សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបេីករថយន្តមួយគ្រឿងក្នុងល្បឿនលឿន និងមិនប្រយ័ត្នបានជ្រុលទៅបុករថយន្តដឹកប្រេងឥន្ធនៈPETROLពីក្រោយដែលកំពុងឈប់ស្តុប បណ្ដាលឲ្យរងការខូចខាតយ៉ាងដំណំ សំណាងល្អដែរគ្មានអ្នករបួស ។
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១១ និង១០នាទីយប់ថ្ងៃទី១២ ខែតុលា ឆ្នាំ២០២១ នៅចំណុចស្ទុបបារគូ តាមបណ្ដោយផ្លូវ២១៧ (ចំការដូង) ក្នុងសង្កាត់ដង្កោ ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីក្រុមអ្នកបេីករថយន្តដឹកប្រេងឥន្ធនៈ PETROL ពណ៌ស ពាក់ស្លាកលេខភ្នំពេញ 3F-5612 បានឲ្យដឹងថា ពួកគេទេីបតែដឹកប្រេងទម្លាក់ឲ្យម៉ូយ ហេីយធ្វេីដំណេីរតាមបណ្ដោយផ្លូវ២១៧ ទិសដៅពីជេីងទៅត្បូង ខណៈមកដល់ចំណុចកេីតហេតុក៏ឈប់ស្តុបក្រហម ។ ភ្លាមនោះដែរស្រាប់តែមានបុរសម្នាក់បេីករថយន្តមួយគ្រឿងម៉ាក Montero ពណ៌ស្លែ ពាក់ស្លាកលេខភ្នំពេញ 2H-2147 មកបុកពីក្រោយយ៉ាងពេញទំហឹងបណ្ដាលឲ្យរថយន្តដឹកប្រេងរងការខូចខាតកាងខាងក្រោយយ៉ាងដំណំ រីឯរថយន្តបង្កបានរងការខូចខាតផ្នែងខាងមុខយ៉ាងដំណំដូចគ្នា តែក្នុងករណីនេះមិនបណ្ដាលឲ្យអ្នកណាម្នាក់រងរបួសនោះទេ ។ ហេីយនេះក៏សំណាងដែរ ដែលរថយន្តដឹកប្រេងខាងលេីបានទម្លាក់ប្រេងឲ្យម៉ូយអស់ ។
ក្រោយកេីតហេតុ សមត្ថកិច្ចមូលដ្ឋានបានចុះទៅដល់ហេីយព្យាយាមសម្របសម្រួលភាគីទាំងសងខាងឲ្យត្រូវរ៉ូវគ្នា តែសម្រួលមិនត្រូវទេីបសមត្ថកិច្ចទាក់ទងទៅជំនាញចរាចរណ៍ខណ្ឌដង្កោ ឲ្យចុះមកធ្វេីការវាស់វែងយករថយន្តទាំងពីរគ្រឿងទៅរក្សាទុក រង់ចាំដោះស្រាយគ្នានាពេលក្រោយ ៕
ដោយ ៖ ភារ៉ា ដង្កោ
