សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ៖ ជនសង្ស័យជាស្ត្រីពីរនាក់ត្រូវបានកម្លាំងការិយាល័យប្រឆាំងគ្រឿងញៀនខេត្តនិងអាជ្ញាធរភូមិ-ឃុំ-ស្រុក ដោយមានកិច្ចសហការពីកម្លាំងមន្ទីរប្រឆាំងគ្រឿងញៀន (ក៤)បានធ្វើការឃាត់ខ្លួនជនសង្ស័យ២នាក់ពាក់ព័ន្ធទៅនឹងករណីជួញដូរគ្រឿងញៀន។
ហេតុការណ៍នេះបានកើតឡើងនៅវេលាម៉ោង២៣និង១៥នាទីថ្ងៃទី១២ ខែតុលា ឆ្នាំ២០២១ ស្ថិតនៅចំណុចផ្ទះរបស់ឈ្មោះ គង់ សំណាង ភេទស្រី អាយុ៤២ឆ្នាំ រស់នៅភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺដោយដកហូតបានម្សៅក្រាមពណ៌សថ្លាចំនួន១៦កញ្ចប់ធំ(សង្ស័យថាជាគ្រឿងញៀន និងឧបករណ៍សម្រាប់វេចខ្ចប់គ្រឿងញៀនមួយចំនួន ក្នុងនោះផងដែរ សមត្ថកិច្ចក៏បានធ្វេីការដកហូតរថយន្តម៉ាកFORD EVEREST ស៊េរីឆ្នាំ២០២១ ពណ៌ស ពាក់ស្លាកលេខភ្នំពេញ 2BP-6979 (ជាមធ្យោបាយសម្រាប់ជួញដូរ) និងមុខសញ្ញាសង្ស័យទាំងពីរនាក់ ដេីម្បីយកមកសាកសួរ ។
សមត្ថកិច្ចបានឱ្យដឹងថា ជនសង្ស័យពាក់ព័ន្ធទាំងពីរនាក់មានឈ្មោះ១-គង់ សំណាង ភេទស្រី អាយុ៤២ឆ្នាំ រស់នៅភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
២-ឈ្មោះ សុខ ស្រីនិត ភេទស្រី អាយុ៣៥ឆ្នាំ រស់នៅភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
បច្ចុប្បន្នជនសង្ស័យទាំងពីរនាក់ខាងលើ ព្រមទាំងវត្ថុតាងបានបញ្ជូនទៅមន្ទីរប្រឆាំងគ្រឿងញៀននៅរាជធានីភ្នំពេញដេីម្បីចាត់ការតាមនីតិវិធីបន្ដ៕
ដោយ៖ ស សម
