សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តធុនធំមួយគ្រឿងបានបេីកវ៉ាជែងគ្នាជាមួយរថយន្តមួយគ្រឿងផ្សេងទៀត ក៏រេចង្កូតទៅបុកកន្លែងលក់ចេក ហើយធ្លាក់ចូលប្រឡាយទឹកស្អុយស្ទេីរតែលិចក្បាលរថយន្ត សំណាងល្អគ្មានអ្នករងរបួស ។
គ្រោថ្នាក់ចរាចរណ៍នេះបានកេីតឡេីងកាលពីម៉ោង៤រសៀល ថ្ងៃទី១៧ ខែតុលា ឆ្នាំ២០២១ ចំណុចផ្លូវបេតុងទួលពង្រ ភូមិម័ល សង្កាត់ដង្កោ ខណ្ឌដង្កោ ។
បេីតាមប្រភពព័ត៌មានពីប្រជាពលរដ្ឋដែលឃេីញហេតុការណ៍ បានឲ្យដឹងថា មុនពេលកេីតហេតុ គេបានឃើញ បុរសម្នាក់បានរថយន្តធុនធំ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ តាកែវ 3A.1560 បានបេីកធ្វើដំណើរតាម បណ្ដោយផ្លូវ បេតុងទួលពង្រ ក្នុងទិសដៅ ពីលិចទៅកេីត ក្នុងល្បឿនលឿន និងបានបេីកវ៉ាជែងរថយន្ដធុនធំមួយគ្រឿងទៀតក្នុងទិសដៅស្របគ្នា ក៏ស្រាប់តែរថយន្តបង្កជ្រុលទៅបុកគ្រែលក់ចេករបស់បងប្អូនប្រជាពលរដ្ឋ រងការខូចខាត ហេីយរថយន្ដក៏រេចង្កូតទៅខាងឆ្វេងដៃដាំក្បាលធ្លាក់ចូលប្រឡាយទឹកស្អុយជិតលិចមួយកំណាត់មុខ សំណាងដែរក្នុងករណីនេះមិនបង្កឲ្យមនុស្សរងរបួស ។
ក្រោយពេលកេីតហេតុ តៃកុងរថយន្តបង្កបានគេចចេញពីកន្លែងកេីតហេតុបាត់ស្រមោល ទេីបឃើញមានកម្លាំងសមត្ថកិច្ចមូលដ្ឋាន បានចុះមកកន្លែងកេីតហេតុឃើញថាមិនមានផលប៉ះពាល់ដល់សម្បត្តិសាធារណៈ ហេីយម្ចាស់ចេកក៏មិនទាមទារសំណងអ្វីនោះដែរ ទេីបសមត្ថកិច្ចប្រគល់រថយន្ដឲ្យម្ចាស់ស្ទូចយកទៅធ្វើការជួសជុលដោយខ្លួនឯង ៕
ដោយ ៖ ភារ៉ា ដង្កោ
