សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះវិហារ ៖ កម្លាំងជំនាញការិយាល័យប្រឆាំងគ្រឿងញៀនខេត្តបានឃាត់ខ្លួនជនសង្ស័យម្នាក់នៅថ្ងៃទី២១ ខែតុលា ឆ្នាំ២០២១វេលាម៉ោង៩និង២២នាទី បន្ទាប់ពីរកឃេីញថាជននេះបានរក្សាទុក និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចភូមិឡឥដ្ឋ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។
ជនសង្ស័យដែលសមត្ថកិច្ចឃាត់ខ្លួនឈ្មោះ មុំ សុធា ភេទប្រុស អាយុ២៣ឆ្នាំ ជនជាតិខ្មែរ មុខរបរជាងសិប្បកម្ម ស្នាក់នៅបណ្តោះអាសន្នភូមិឡឥដ្ឋ សង្កាត់កំពង់ប្រណាក ក្រុងព្រះវិហារ ខេត្តព្រះវិហារ ។
ចំពោះវត្ថុតាងដែលបានចាប់យករួមមាន៖ សារធាតុញៀនចំនួន០៥កញ្ចប់ ទូរស័ព្ទ ចំនួន០១គ្រឿង ជញ្ជីងចំនួន០២ គ្រឿង សម្ភារវេចខ្ចប់និងប្រើប្រាស់គ្រឿងញៀនមួយចំនួន ។
គេកត់សម្គាល់ឃើញថា ក្រោមការដឹកនាំរបស់លោកឧត្ដមសេនីយ៍ទោស្នងការ គឺមិនបន្ធូរដៃចំពោះអ្នកពាក់ព័ន្ធបទល្មើសគ្រឿងញៀនខុសច្បាប់ជាដាច់ខាត ៕
ដោយ ៖ វណ្ណៈ
