សារព័ត៌មាន នគរវត្ត តែងតែនាំមុខគេជានិច្ច
ផ្ទុយពីគោលនយោបាយរបស់អតីតប្រធានាធិបតីត្រាំ ដែលបានអនុវត្តអាមេរិកជាចម្បង នៅពេលនេះប្រធានាធិបតីបៃឌិន បានសម្រេចបោះបង់«អាមេរិកជាដំបូង» ហើយបានដោះស្រាយដោយជោគជ័យវិវាទរវាងក្រុមហ៊ុនប៊ូអុីង និងអ៊ែរបឺស ហើយបង្កើតកិច្ចសហប្រតិបត្តិការរវាងអាមេរិក នឹងអឺរ៉ុបជាថ្មីឡើងវិញ។
ទីប្រឹក្សាសន្តិសុខជាតិអាមេរិក លោកJake Sullivan បានលើកឡើងនៅក្នុងបទសម្ភាសន៍ជាមួយបណ្តាញព័ត៌មាន CNNថា «ប្រធានាធិបតីបៃឌិន បានអនុវត្តគោលនយោបាយអាមេរិកតាមបែបផ្សេងផ្ទុយពីគោលនយោបាយរបស់លោកត្រាំ។ លោកបៃឌិនបញ្ជាក់ថា ការកំណត់យុទ្ធសាស្ត្រអាមេរិកជាដំបូងរបស់លោកត្រាំ គឺបានធ្វើឲ្យអាមេរិក នៅពីក្រោយទៅវិញទេ»។
ទីប្រឹក្សាសន្តិសុខជាតិអាមេរិកបានបញ្ជាក់ទៀតថា ច្បាប់របស់ប្រធានាធិបតីបៃឌិននាពេលនេះគឺការចរចារពហុភាគី និងគិតដល់ផលប្រយោជន៍របស់ប្រទេសសម្ពន្ធមិត្ត។ ទាំងនោះហើយទើបជួយដោះស្រាយបញ្ហាពិភពលោកបានយ៉ាងល្អបំផុត។
កាលពីថ្ងៃទី ៣០ខែតុលាអាមេរិកនិងសហគមន៍អឺរ៉ុប បានឈានដល់កិច្ចព្រមព្រៀងក្នុងវិវាទពន្ធដារជាមួយអាមេរិកលើវិស័យនាំចូលដែកថែប អាលុយមីញ៉ូម ដែលលោកត្រាំបានអនុម័តដាក់ទៅលើតំបន់អឺរ៉ុប ៕ ដោយ៖ ធីរីណា
រូបថត៖AFP/TTXVN.
