សារព័ត៌មាន នគរវត្ត តែងតែនាំមុខគេជានិច្ច
ក្នុងរយៈពេល ២៤ម៉ោងកន្លងមកអាល្លឺម៉ង់ មានករណីឆ្លងកូវីដ-១៩ រហូតដល់ទៅជាង ៦៥ពាន់នាក់ ។ មន្ត្រីសុខាភិបាលប្រទេសនេះបានព្រមានថា ចំនួនអ្នកឆ្លងពិតប្រាកដនៅក្នុងប្រទេសនេះគឺខ្ពស់ជាង តួលេខដល់ទៅ២-៣ដង។
កាលពីថ្ងៃទី១៧ខែវិច្ឆិកា អាល្លឺម៉ង់បានបំបែកកំណត់ត្រាពីការឆ្លងកូវីដ-១៩ ដោយមានករណីឆ្លងជាង ៦៥ពាន់នាក់ក្នុងមួយថ្ងៃ ។
នេះជាលើកដំបូងដែលអាល្លឺម៉ង់មានករណីឆ្លងកើនឡើងខ្ពស់ជាង ៦ម៉ឺននាក់ក្នុងមួយថ្ងៃចាប់តាំងពីការផ្ទុះកូវីដ-១៩រហូតមកទល់ពេលនេះ។
មន្ត្រីសុខាភិបាលអាល្លឺម៉ង់ព្រមានថា អាចនឹងត្រូវបិទប្រទេសជាថ្មី ហើយក៏បានអំពាវនាវដល់រដ្ឋាភិបាលមានវិធានការទប់ស្កាត់ការឆ្លង ក្នុងឱកាសបុណ្យចូលឆ្នាំថ្មីខាងមុខ។
ជាមួយគ្នានេះដែរ អធិកាបតីអាល្លឺម៉ង់ លោកស្រី Angela Merkel បានត្រៀមជួបប្រជុំជាមួយអភិបាលទាំង១៦ដើម្បី ពិភាក្សាពីវិធានការទប់ស្កាត់កូវីដ-១៩ នៅទូទាំងប្រទេស បញ្ចៀសការអនុវត្តច្បាប់មិនស្មើភាពគ្នារបស់បណ្តារដ្ឋ និងទីក្រុងធំៗនៅក្នុងប្រទេសអាល្លឺម៉ង់។
ក្រៅពីប្រទេសអាល្លឺម៉ង់នៅមានប្រទេសជាច្រើនទៀតក្នុងតំបន់អឺរ៉ុបប្រឈមនិងការឆ្លងកូវីដ-១៩ កើនឡើងខ្ពស់ផងដែរ រយៈពេលប៉ុន្មានថ្ងៃចុងក្រោយនេះ៕ដោយ៖ធីរីណា
រូបថត៖AFP/TTXVN
