សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បើករថយន្តតាកូម៉ាខ្វះការប្រុងប្រយ័ត្នបានជ្រុលទៅកៀររថយន្តកាមរីបណ្ដាលឱ្យរងការខូចខាតយ៉ាងដំណំ។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៦ និង២០ នាទីល្ងាចថ្ងៃទី១៩ ខែវិច្ឆិកាឆ្នាំ២០២១ ស្ថិតនៅតាមបណ្ដោយផ្លូវលេខ៦A ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញរថយន្តកាមរីមួយគ្រឿងពណ៌ទឹកប្រាក់ ពាក់ស្លាកលេខភ្នំពេញ2U-7313 បើកបរដោយបុរសម្នាក់រួមដំណើរជាមួយក្រុមគ្រួសារក្នុងទិសដៅពីជើងទៅត្បូង។ លុះបើកមកដល់ចំណុចកើតហេតុដែលកំពុងតែមានការកកស្ទះចរាចរណ៍ ស្រាប់តែមានរថយន្តមួយគ្រឿងម៉ាកតាកូម៉ា ពណ៌ទឹកប្រាក់ ពាក់ស្លាកលេខភ្នំពេញ2BL-4390 បើកបរដោយបុរសម្នាក់រួមដំណើរជាមួយក្រុមគ្រួសារបើកបរខ្វះការប្រុងប្រយ័ត្នជ្រុលទៅកៀរចំក្បាលរថយន្តកាមរីបណ្តាលឱ្យរងការខូចខាតយ៉ាងដំណំ តែសំណាងល្អមិនបណ្ដាលឱ្យមានអ្នកណារងរបួសនោះទេ។
ក្រោយកើតហេតុសមត្ថកិច្ចមូលដ្ឋានបានមកដល់រួចបានឱ្យភាគីទាំងពីរធ្វើការសម្របសម្រួលគ្នាដោយភាគីខាងរថយន្តតាកូម៉ាយល់ព្រមសងសំណង៥០ដុល្លារទៅខាងរថយន្តកាមរីដើម្បីបញ្ចប់រឿងនៅកន្លែងកើតហេតុ៕
ដោយ៖និនសុភ័ស្ត
