ព័ត៌មានទាន់ហេតុការណ៍៖

ទីតាំងinternetជ្រកក្រោមយីហោ​ ឃូល​ ឃែល​ ក្បែរប៉ុស្ដិ៍នគរបាលស្ទឹងមានជ័យទី១​ ដែលបង្កប់ល្បែងសុីសងភ្នាល់បាល់កំពុងបេីកលេងយ៉ាងរលូន

ចែករំលែក៖

ភ្នំពេញ ៖ មានទីតាំងបេីកinternetបង្កប់ល្បែងស៊ីសងភ្នាល់បាល់មួយកន្លែងជ្រកក្រោមស្លាកយីហោ​ ឃូល​ ឃែល​ ស្ថិតនៅតាមបណ្ដោយផ្លូវមុន្នីរ៉េត(២១៧)​ ក្នុងភូមិទ្រា​ សង្កាត់ស្ទឹងមានជ័យ​ទី១​ ខណ្ឌមានជ័យ​ កំពុងបេីកលេងយ៉ាងរលូន​ ធ្វេីឲ្យប្រជាពលរដ្ឋរស់នៅក្បែរមានការព្រួយបារម្ភ​បាត់របស់របរ​ និងទ្រព្យសម្បត្តិមានតម្លៃ​ ដែលក្រុមញៀនល្បែងចេញមកវិញលួច​ ទេីបពួកគាត់សំណូមពរឲ្យអាជ្ញាធរមានសមត្ថកិច្ចចុះពិនិត្យ​ និងបង្ក្រាបផង។ 

    ទីតាំង internet ខាងលេីនេះ​គឺមានប្រភពច្បាស់ការណ៍បានឲ្យដឹងថា​ មានបង្កប់ល្បែងស៊ីសងល្មើសច្បាប់ (​ ភ្នាល់បាល់​ )បើកដំណើរការ២៤ម៉ោង លើ២៤ម៉ោង ដោយទីតាំងនេះគេឃើញមានមនុស្សចេញចូលជាបន្តបន្ទាប់មិនដែលដាច់ឡើយ មិនថាពេលថ្ងៃ ឬពេលយប់ជ្រៅយ៉ាងណានោះទេ​ ។ 

    គួរបញ្ជាក់ផងដែរថា ល្បែងស៊ីសងខុសច្បាប់ ត្រូវបានរាជរដ្ឋាភិបាលកម្ពុជា កំណត់ជាចំណុចដែលត្រូវប្រយុទ្ធប្រឆាំង និងបង្ក្រាបឲ្យខានតែបាននៅក្នុងគោលនយោបាយភូមិ-ឃុំ មានសុវត្ថិភាព ដែលបានដាក់ចេញដោយក្រសួងមហាផ្ទៃ ដើម្បីឲ្យអាជ្ញាធរមូលដ្ឋានពាក់ព័ន្ធ អនុវត្តឲ្យមានប្រសិទ្ធភាព​ ពីព្រោះការដែលកើតមានល្បែងស៊ីសងនេះគឺជាដើមចមនៃអំពើហិង្សា ចោរឆក់ ចោរលួច ចោរប្លន់ បង្កអសន្តិសុខនៅក្នុងមូលដ្ឋានសង្គម​ និងប្រទេសជាតិកំពុងមានការអភិវឌ្ឍន៍​ នៃរីកចម្រេីន​ ៕

ដោយ​ ៖​ ភារ៉ា​ ដង្កោ


ចែករំលែក៖