ប៉ូគីមថេង សុទ្ធធីតាកញ្ញាឯកពីកម្ពុជាធ្វើឲ្យគេលាន់មាត់សរសើរទៀតហើយ

   បាងកក៖ ព្រឹត្តិការណ៍ប្រកួតសម្រស់ទ្រង់ទ្រាយធំសម្បើម Miss Grand International ២០២១ នៅរាត្រីថ្ងៃទី០២ ខែធ្នូឆ្នាំ ២០២១ នេះ ប្រកួតបឋម។ ក្នុងនេះដែរបេក្ខភាពតំណាងប្រទេសនីមួយៗមានឱកាសក្នុងការបង្ហាញសម្ថតភាព ទេពកោសល្យ និងរូបសម្រស់របស់ខ្លួនតាមរយៈការបង្ហាញមុខក្នុងឈុតហែលទឹក និងឈុតរាត្រីសមោសរ Evening Grown ក្នុងនោះក៏មានបេក្ខភាពពីកម្ពុជាដែរ។ 

ប៉ូគីមថេង សុទ្ធធីតា ពិតជាមិនធ្វើឲ្យអ្នកគាំទ្រវិស័យកញ្ញាឯកនៅកម្ពុជាខកចិត្តឡើយបេក្ខភាពកញញ្ញាឯកពីព្រះរាជាណាចក្រកម្ពុជាគឺកញ្ញា ប៉ូគីមថេង សុទ្ធធីតា បានធ្វើឲ្យគ្រប់គ្នាលាន់មាត់សរសើរទៀតហើយជុំវិញការបង្ហាញមុខលើឆាកអន្តរជាតិមួយនេះដែលនាងធ្វើបានយ៉ាងល្អ ទាំងការធ្វើដំណើរក្នុងឈុតហែលទឹក និងឈុតរាត្រីសមោសរ Evening Grownពោលគឺនាងត្រូវបានគេលើកឡើងថាជាបេក្ខភាពដែលពោរពេញដោយទំនុកចិត្តខ្ពស់រហូតអ្នកបានទស្សនាលាន់មាត់ថាវ៉ោវ និងអស្ចារ្យណាស់។

ឈុត Evening Gown កម្ពុជាដែលបានបញ្ចេញត្រូវវបានគេសរសើរដែរថា ពិតជាស្អាតញាក់មិនធម្មតាទេ ដែលអ្នកជំនាញច្នៃម៉ូដឡើងយ៉ាងប្រណិតបង្កប់នូវអត្ថន័យនៃសិល្បៈវប្បធម៌ខ្មែរស្រីង្កី។ឈុតនេះត្រូវបានច្នៃឡើងប្រកបដោយប្រណិតភាពនៃមកុដអប្សរា ហើយឈុតរាត្រីសមោសរ Evening Gown របស់កម្ពុជានេះមានមួយផ្នែកច្នៃចេញពីមកុដរបស់អប្សរាដែលឆ្លាក់នៅលើផ្ទាំងសិលានៃប្រាសាទអង្គរវត្តដ៏បវរនៃកម្ពុជា ដែលជាសម្បត្តិបេតិកភ័ណ្ឌពិភពលោក បន្ថែមនូវត្បូងចែងចាំង ភ្លឺភ្លេក ជាច្រើន គ្រាប់រំលេចនូវភាពអស្ចារ្យ និងជឿជាក់មុះមុត។នេះគឺជាអ្វីដែលអ្នកគាំទ្រទន្ទឹងរង់ចាំនិងកោតសរសើរនាងជាថ្មីក្រោយពីវគ្គប្រកួតឈុតតំណាងជាតិកាលពីប៉ុន្មានថ្ងៃមុននេះនាងធ្វើបានយ៉ាងល្អនិងមានទំនុកចិត្តខ្ពស់នោះ។

  តាមការគ្រោងទុកកម្មវិធី Miss Grand International២០២១ នៅ ថ្ងៃទី ២ ខែធ្នូជាកម្មវិធីនៃ ការប្រកួតបឋមខណៈថ្ងៃទី ៣ ខែធ្នូគឺជា ការហាត់សមមុនថ្ងៃប្រកួតផ្តាច់ព្រ័តដែលធ្វើឡើងនៅថ្ងៃទីថ្ងៃទី ៤ ខែធ្នូឆ្នាំ ២០២១នេះ ៕

ដោយ ៖ វឌ្ឍនា