សារព័ត៌មាន នគរវត្ត តែងតែនាំមុខគេជានិច្ច
មកទល់ពេលនេះ កូវីដ-១៩មិនសូវប៉ះពាល់ដល់កុមារមានអាយុតិចនោះឡើយ ប៉ុន្តែពេលនេះមានសញ្ញាឆ្លងកើនឡើងខ្ពស់ទៅលើកុមារអាយុក្រោម៥ឆ្នាំនៅអាហ្វ្រិកខាងត្បូង ដែលជាប្រទេសកំពុងប្រឈមការឆ្លងរាលដាលវីរុសបំប្លែងថ្មី Omicron ។
ទីប្រឹក្សារដ្ឋាភិបាលអាហ្វ្រិកខាងត្បូងបានឱ្យដឹងថា វីរុសបំប្លែងថ្មី Omicron អាចឆ្លងរាលដាលខ្ពស់នៅក្នុងប្រទេសនេះ ហើយកុមារក្រោមអាយុ៥ឆ្នាំបានចូលមន្ទីរពេទ្យកើនឡើងក្រោយការឆ្លងកូវីដ-១៩។
ការឆ្លងកើនឡើងគួរឱ្យប្រកាសអាសន្ននេះអាចនឹងដាក់សង្គ្រាមប្រឆាំងកូវីដ-១៩ ក្នុងដំណាក់កាលថ្មី ក្នុងពេលវីរុសបំប្លែងថ្មី Omicron កំពុងឆ្លងរាលដាលយ៉ាងឆាប់រហ័សដល់បណ្តាប្រទេសជុំវិញពិភពលោក។
ក្រុមអ្នកឯកទេសសុខាភិបាលអាហ្វ្រិកខាងត្បូង បានឱ្យដឹងថា «ចំនួនអ្នកជំងឺកូវីដ-១៩ត្រូវចូលសម្រាកព្យាបាលកើនឡើងខ្ពស់ ដោយកុមារអាយុក្រោម៥ឆ្នាំឈរលំដាប់ទីពីរ បន្ទាប់ពីក្រុមមនុស្សមានវ័យពី៦០ឆ្នាំឡើងឈរលំដាប់ទីមួយ»៕ ដោយ៖ធីរីណា
រូបថត៖Getty
