សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ យុវជនម្នាក់បានស្ពាយកាតាបដេីរមកលេីស្ពានព្រះមុនីវង្សចាស់ រួចក៏លោតទឹកដេីម្បីបញ្ចប់ជីវិត តែត្រូវបានអ្នកនេសាទជួយស្រង់យកមកលេីគោកវិញ បង្កការភ្ញាក់ផ្អេីលដល់ប្រជាពលរដ្ឋ និងសមត្ថកិច្ចកាលពីវេលាម៉ោង៩ និង១០នាទីយប់ថ្ងៃទី១៥ ខែធ្នូ ឆ្នាំ២០២១ នៅចំណុចស្ពានព្រះមុនីវង្សក្នុងសង្កាត់ទន្លេបាសាក់ ខណ្ឌចំការមន ។
យុវជនគិតខ្លីខាងលេីមានឈ្មោះ ចន្ថា អាយុ១៥ឆ្នាំ រស់នៅភូមិកោះនរា សង្កាត់និរោធ ខណ្ឌច្បារអំពៅ ។
តាមប្រភពព័ត៌មានពីប្រជាពលរដ្ឋដែលឃេីញហេតុការណ៍ខាងលេីបានឱ្យដឹងថា មុនពេលកេីតហេតុគេឃេីញយុវជនរងគ្រោះបានស្ពាយកាតាបដេីរពីផ្សារច្បារអំពៅឡេីងមកលេីស្ពានព្រះមុនីវង្សចាស់ចូលទឹកដីខណ្ឌចំការមន រួចទុកកាតាបលេីស្ពានចោល រួចក៏លោតពីលេីស្ពានចូលទៅក្នុងទឹកទន្លេតែម្ដង តែគាប់ជួនមានអ្នកនេសាទនៅក្បែរនោះក៏ជួយស្រង់យកមកលេីគោកវិញរួចផុតពីសេចក្ដីស្លាប់។
បេីតាមសម្ដីយុវជនខាងលេីបានឱ្យដឹងថា មូលហេតុដែលខ្លួនលោតទឹកដេីម្បីបញ្ចប់ជីវិតនេះគឺមកពីម្ដាយរបស់ខ្លួនស្ដីបន្ទោសពេក ។ បន្ទាប់មកសមត្ថកិច្ចមូលដ្ឋានបាននាំយកយុវជនខាងលេីទៅកាន់នគរបាលប៉ុស្ដិ៍រដ្ឋបាល ទន្លេបាសាក់ ដេីម្បីអប់រំណែនាំនិងទាក់ទងទៅក្រុមគ្រួសារឱ្យមកទទួលយកទៅផ្ទះវិញ៕
ដោយ ៖ ភារ៉ា ដង្កោ
