សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល ៖ ក្មេងស្ទាវមួយក្រុមជិះម៉ូតូប្រដេញគ្នាពេញភូមិ ត្រូវរថយន្តមួយគ្រឿងដែលកំពុងបើកលឿនដែរនោះបុកផ្ទប់ទៅនឹងបង្គោលភ្លើងបណ្ដាលឱ្យស្លាប់៥នាក់ និង៣នាក់ទៀតរបួសធ្ងន់។ ហេតុការណ៍គ្រោះថ្នាក់ដ៏រន្ធត់នេះកេីតឡេីងនៅតាមផ្លូវលេខ១១០ ក្នុងភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្ដាល នាវេលាម៉ោង០១និង៣០នាទីយប់រំលងអធ្រាត្រ ឈានចូលថ្ងៃទី១៩ ខែធ្នូ ឆ្នាំ២០២១នេះ។
ជនរងគ្រោះស្លាប់មានចំនួន៥នាក់ ពុំទាន់ស្គាល់អត្តសញ្ញាណនៅឡើយទេ រីឯជនរងគ្រោះ៣នាក់ទៀតដែលរបួសធ្ងន់ ត្រូវបានរថយន្តសាមុយដឹកបញ្ជូនទៅសង្រ្គោះបន្ទាន់នៅមន្ទីរពេទ្យ ។ ចំណែកភាគីខាងរថយន្តម៉ាកធុនដ្រាបើកបរដោយជនមិនស្គាល់អត្តសញ្ញាណ។
ករណីនេះសមត្ថកិច្ចជំនាញកំពុងធ្វើការវាស់វែង និងកសាងសំណុំរឿងចាត់ការតាមនីតិវិធីច្បាប់៕
ដោយ៖ស្អាងជ័យ
