សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ យោងតាមរបាយការណ៍របស់មន្ត្រីនគរបាលជំនាញនៃអធិការដ្ឋានស្រុកសំឡូតបានឲ្យដឹងថា កាលពីថ្ងៃចន្ទ ៧រោចខែមិគសិរ ឆ្នាំឆ្លូវត្រីស័ក ព.ស.២៥៦៥ ត្រូវនឹងថ្ងៃទី២៧ ខែ ធ្នូ ឆ្នាំ២០២១ វេលា ម៉ោង៩ និង២០ នាទីព្រឹកនៅចំណុចក្រុមទី៣ ភូមិអូរតាទៀក ឃុំតាតោក ស្រុក សំឡូត ខេត្តបា ត់ដំបង ដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាតគឹមសាន ស្នងការនៃស្នងការដ្ឋាននគរបាលខេត្តបាត់ដំបង និងយោបល់លោកឧត្តមសេនីយ៍ត្រី កុយហៀង ស្នងការរងផែនការងារប្រឆាំងគ្រឿងញៀន លោកវរសេនី យ៍ទោ ម៉ែន រីម អធិការនគរបាលស្រុកសំឡូត បានដឹកនាំកម្លាំងនគរបាលផ្នែកប្រឆាំងគ្រឿងញៀនមួយក្រុមនិងមានការចូលរួមជាមួយ កម្លាំងប៉ុស្តិ៍នគរបាលរដ្ឋបាលតាតោក បានចុះប្រតិបត្តិការ បង្រ្កាប ករណីរក្សាទុកដោយខុសច្បាប់នូវសារធាតុញៀន ១កន្លែងក្នុងបទល្មេីសជាក់ស្តែង។ ប្រតិបត្តិការនេះសមត្ថកិច្ចចម្រុះបានឃាត់ខ្លួនជនសង្ស័យម្នាក់ ឈ្មោះ សាំង បឿន ភេទ ប្រុសអាយុ៣៤ ឆ្នាំ រស់នៅភូមិស្វាយជ្រុំឃុំកំពង់ល្ពៅ ស្រុកសំឡូតនិងប្រមូលវត្ថុតាងរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកពណ៌សថ្លា ចំនួន ០១ ថង់ទម្ងន់០,៩៧ ក្រាម ទាំងសំបកសង្ស័យមានសារធាតុញៀននិងទូរស័ព្ទដៃចំនួន ០១ គ្រឿង(ចាស់)។
ករណីខាងលើនេះនគរបាលជំនាញអធិការដ្ឋាននគរបាលស្រុកកំពុងកសាងសំណុំរឿងបញ្ជូនជនសង្ស័យនិងវត្ថុតាងមកស្នងការដ្ឋាននគរបាលខេត្តបាត់ដំបង ដើម្បីចាត់ការតាមផ្លូវច្បាប់៕
ដោយ៖ ស សារ៉េត
