សារព័ត៌មាន នគរវត្ត តែងតែនាំមុខគេជានិច្ច
កីឡាករ Robert Lewandowski, Lionel Messi និង Mohamed Salah ក្លាយទៅជាបេក្ខជនបីរូបចុងក្រោយដែលមានឱកាសឈ្នះពានរង្វាន់កីឡាករលេងល្អបំផុតប្រចាំឆ្នាំ២០២១FIFA Best Men’s Player។
ខ្សែប្រយុទ្ធ សញ្ជាតិប៉ូឡូញ Lewandowski បានឈ្នះពានរង្វាន់នេះកាលពីឆ្នាំមុន ហើយពេលនេះត្រូវប្រជែងជាមួយនឹងកីឡាករ Lionel Messi ដែលអាចបំបែកកំណត់ត្រាឈ្នះពានរង្វាន់ជាលើកទី៧របស់ខ្លួន។
កម្មវិធីនៃការប្រកាសពានរង្វាន់ Ballon d’Or នេះនឹងធ្វើឡើងនៅថ្ងៃទី១៧ខែមករាឆ្នាំ២០២២ក្នុងទីក្រុង Zurichប្រទេសស្វីសដែលផ្តល់ពានរង្វាន់ដល់កីឡាករបាល់ទាត់ផ្នែកបុរស កីឡាករបាល់ទាត់ផ្នែកនារី និងគ្រូបង្វឹកទាំងពីរភេទផងដែរ។
ខាងក្រោមនេះគឺជាបេក្ខភាពចុងក្រោយដែលនឹងឈ្នះពានរង្វាន់ល្អក្នុងវិស័យបាល់ទាត់របស់ពិភពលោកៈ
កីឡាការិនីបាល់ទាត់លេងល្អបំផុត
▪ កីឡាការិនីJennifer Hermoso សញ្ជាតិអេស្ប៉ាញ របស់ក្លិប Barcelona
▪ កីឡាការិនីSam Kerr សញ្ជាតិអូស្រ្តាលី របស់ក្លិប Chelsea
▪ កីឡាការិនីAlexia Putellas សញ្ជាតិអេស្ប៉ាញ របស់ក្លិប Barcelona
កីឡាករបាល់ទាត់លេងល្អបំផុត
▪ កីឡាករRobert Lewandowskiសញ្ជាតិប៉ូឡូញរបស់ក្លិបBayern Munich
▪ កីឡាករLionel Messi សញ្ជាតិអាហ្សង់ទីន របស់ក្លិបBarcelona/Paris St-Germain
▪ កីឡាករMohamed Salah សញ្ជាតិអេហ្ស៊ីប របស់ក្លិបLiverpool
គ្រូបង្វឹកបាល់ទាត់ស្រ្តីល្អជាងគេបំផុត
▪ Lluis Cortes សញ្ជាតិអេស្ប៉ាញ របស់ក្លិប Barcelona
▪ Emma Hayes សញ្ជាតិអង់គ្លេស របស់ក្លិប Chelsea
▪ Sarina Wiegman សញ្ជាតិហុល្លង់ ដឹកនាំក្រុមជម្រើសជាតិហុល្លង់និងអង់គ្លេស
▪ គ្រូបង្វឹកបាល់ទាត់បុរសល្អជាងគេបំផុត
▪ Pep Guardiola សញ្ជាតិអេស្ប៉ាញ ដឹកនាំក្រុមបាល់ទាត់ Manchester City
▪ Roberto Mancini សញ្ជាតិអុីតាលី ដឹកនាំក្រុមបាល់ទាត់ជម្រើសជាតិអុីតាលី
▪ Thomas Tuchel សញ្ជាតិអាល្លឺម៉ង់ ដឹកនាំក្រុមបាល់ទាត់Chelsea ៕
ដោយ៖ ភារៈ
