សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្ដមួយគ្រឿង បានរងការឆាបឆេះផ្នែកខាងមុខយ៉ាងដំណំ ខណៈដែលម្ចាស់កំពុងបើកបរនៅតាមផ្លូវសុខៗ បង្កការភ្ញាក់ផ្អើលដល់ប្រជាពលរដ្ឋរាយការណ៍មកសមត្ថកិច្ចពន្លត់អគ្គិភ័យ ចេញជួយអន្តរគមន៍ទាន់ពេលវេលា។
ហេតុការណ៍ខាងលេីនេះ បានកេីតឡេីងនៅវេលាម៉ោង ៤រសៀលថ្ងៃទី២៤ ខែមករា ឆ្នាំ២០២២នេះ ស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ ។
យោងតាមប្រភពព័ត៌មានពីការិយាល័យនគរបាលពន្លត់អគ្គីភ័យ នៃស្នងការដ្ឋាននគរបាលរាជធានីភ្នំពេញ បានឱ្យដឹងថា បន្ទាប់ពីមានករណីអគ្គិភ័យកំពុងឆាបឆេះរថយន្តមួយគ្រឿង ដែលស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ ភ្លាមនោះ កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ បានចេញរថយន្តពន្លត់អគ្គិភ័យទៅជួយអន្តរាគមន៍ផងដែរ។
ក្រោយកេីតហេតុរថយន្ដរងគ្រោះ បានរងការខូចខាតយ៉ាងដំណំនៃផ្នែកខាងមុខ ។ ចំពោះករណីនេះដែរ មូលហេតុដោយសារឆ្លងចរន្តអគ្គិសនីបង្កឡើងជាអគ្គិភ័យឆាបឆេះតែម្តង៕
ដោយ៖សហការី
