សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តតូយ៉ូតាVitz មួយគ្រឿង ខណៈកំពុងធ្វេីដំណេីរតាមដងផ្លូវ ស្រាប់តែត្រូវរថយន្តស៊េរីទំនើបម៉ាកមែរសឺដេសបេីកថយក្រោយចេញពីភោជនីយដ្ឋានមកបុកចំពីចំហៀងពេញទំហឹង បណ្ដាលឱ្យរងការខូចខាត កាលពីវេលាម៉ោង១០និង១០នាទីយប់ ថ្ងៃទី២៥ ខែមករា ឆ្នាំ២០២២ នៅចំណុចមុខភោជនីយដ្ឋាន សុីអាន តាមបណ្ដោយផ្លូវព្រះសីហនុ ក្នុងសង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេឃេីញរថយន្តម៉ាក តូយ៉ូតា Vitz ពណ៌ប្រផេះ ពាក់ស្លាកលេខភ្នំពេញ 2BN-7190 បានធ្វេីដំណេីរតាមដងផ្លូវព្រះសីហនុពីលិចទៅកេីតក្នុងល្បឿនមធ្យម ខណៈមកដល់ចំណុចកេីតហេតុស្រាប់តែរថយន្តបង្កម៉ាក មែរសឺដេស GL320 ពណ៌ខ្មៅ ពាក់ស្លាកលេខភ្នំពេញ 2S-3555 បានបេីកថយក្រោយចេញពីភោជនីយដ្ឋានសុីអាន មិនប្រយ័ត្នក៏ជ្រុលទៅបុករថយន្តតូយ៉ូតាVitzចំពីចំហៀងខាងស្ដាំពេញទំហឹង បណ្ដាលឱ្យរថយន្តទាំងពីរគ្រឿងរងការខូចខាត តែក្នុងករណីនេះមិនបង្កការខូចខាតដល់សម្បត្តិរដ្ឋ និងមិនធ្វេីឱ្យមនុស្សណាម្នាក់រងរបួសនោះទេ ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ ហេីយបានឱ្យភាគីទាំងសងខាងធ្វេីការសម្របសម្រួលគ្នា ដោយភាគីខាងរថយន្តបង្កម៉ាកមែរសឺដេស យល់ព្រមចេញថ្លៃខូចខាតទាំងស្រុងទៅលេីភាគីរថយន្តរងគ្រោះម៉ាក តូយ៉ូតា Vitz ដេីម្បីបញ្ចប់រឿងនៅនឹងកន្លែង ៕
ដោយ ៖ ភារ៉ា ដង្កោ
