សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចនគរបាលខណ្ឌឫស្សីកែវឃាត់ខ្លួនជនសង្ស័យ២នាក់ករណីជួញដូរគឿងញៀនដកហូតថ្នាំញៀន១០កញ្ចប់។
ការចុះឃាត់ខ្លួននេះបានធ្វើឡើងនៅម៉ោង ៩ព្រឹកថ្ងៃទី ០៣ ខែ កុម្ភៈ ឆ្នាំ២០២២ នៅត្រង់ចំណុច ផ្លូវបេតុង ក្រុមទី៣ ភូមិខ២ សង្កាត់ ច្រាំងចំរេះទី២ ខណ្ឌឫស្សីកែវ រាជធានីភ្នំពេញ។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងថាជនសង្ស័យទី១.ឈ្មោះ វ៉ាន់ យឿម អាយុ ៣៦ ឆ្នាំជនជាតិខ្មែរ មុខរបរ កម្មករសំណង់ មានទីលំនៅ ភូមិ ជ័យជំនះ ឃុំ បឹងប្រាំ ស្រុក បវិល ខេត្ត បាត់ដំបង។
ចំណែកជនសង្ស័យទី២.ឈ្មោះ ជា ចាន់ អាយុ ២៨ឆ្នាំ ជនជាតិខ្មែរ មុខរបរ កម្មករ ស្នាក់នៅ ភូមិ ចក ឃុំ កកោះ ស្រុក មោងឬស្សី ខេត្តបាត់ដំបង។
វត្តុតាងដកហូតរួមមានក្រាមពណ៌សថ្លាចំនួន ១០កញ្ចប់ (ជារបស់ឈ្មោះ ជា ចាន់)។ ទូរសព្ទ័ដៃចំនួនមួយគ្រឿងម៉ាកVivoពណ៌ខ្មៅ ជារបស់ឈ្មោះ វ៉ាន់ យឿម។
បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឬស្សីកែវ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញដេីម្បីអនុវត្តតាមនីតិវិធី៕
ដោយ៖ជ្រោយពេជ្រ
