សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ យុវជនម្នាក់បានស្លាប់នៅនឹងកន្លែងបង្កការភ្ញាក់ផ្អើលដល់អ្នកភូមិទាំងយប់ចេញមកមើលនិងរាយការណ៍មកសមត្ថកិច្ចមូលដ្ឋានខណៈជិះម៉ូតូក្នុងល្បឿនលឿនខ្វះការប្រុងប្រយ័ត្នបណ្ដាលអោយរេចង្កូតដួលបោកក្បាលកាលពីវេលាម៉ោង ១១និង៣០យប់ ថ្ងៃទី០២ខែកុម្ភៈឆ្នាំ២០២២ នៅលើផ្លូវក្រាលកៅស៊ូ ចំណុចភូមិត្រពាំងផ្លាំង ឃុំព្រៃតាអី ស្រុកស្វាយទាប ខេត្តស្វាយរៀង។
យោងតាមសមត្ថកិច្ចនគរបាលស្រុកបានអោយដឹងថាយុវជនរងគ្រោះមានឈ្មោះប៉ុល វិស្សុតកក្តា អាយុ ២០ ឆ្នាំមានទីលំនៅនៅ ភូមិតាប៉ោញ ឃុំព្រៃតាអី ស្រុកស្វាយទាប ខេត្តស្វាយរៀង ។
តាមសាក្សីបានអោយដឹងថាមុនកើតហេតុមានយុវជនម្នាក់បានជិះម៉ូតូមួយគ្រឿងម៉ាកMslaz ពណ៌ខ្មៅពាក់ស្លាកលេខ ភ្នំពេញ ១iQ.៥៤៣១ស៊េរីឆ្នាំ ២០២០នៅលើផ្លូវក្រាលកៅស៊ូក្នុងទិសដៅពីត្បូងមកជើង ប្រើប្រាស់ ល្បឿនលឿន មិនប្រយ័ត្នក៏រេចង្កូតដួលបោកបែកក្បាលស្លាប់នៅនឹងកន្លែងតែម្ដងបង្កការភ្ញាក់ផ្អើលទាំងយប់តែម្ដង។
ក្រោយមកសមត្ថកិច្ចមូលដ្ឋានបានមកដល់ធ្វើកំណត់ហេតុនិងប្រគល់សពអោយក្រុមគ្រួសារធ្វើបុណ្យតាមប្រពៃណី ៕
ដោយ៖យឹម សុថាន
