សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបេីករថយន្តសណ្ដោងទូកុងតឺន័រមួយគ្រឿងថយក្រោយចុះទួលខ្វះការប្រុងប្រយ័ត្នស្រាប់តែរថយន្តផ្អៀងក្រឡាប់ផ្ងារជេីងម្ខាង បង្កការភ្ញាក់ផ្អេីលនៅវេលាម៉ោង១២ និង១០នាទីរំលងអធ្រាត្រ ឈានចូលថ្ងៃទី១១ ខែកុម្ភៈ ឆ្នាំ២០២២ នៅតាមបណ្ដោយផ្លូវលេខ៣៧១ ស្ថិតក្នុងសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា នៅមុនពេលកេីតហេតុគេឃេីញបុរសម្នាក់បេីករថយន្តសណ្ដោងទូកុងតឺន័រមួយគ្រឿង ក្បាលពណ៌បៃតង ពាក់ស្លាកលេខ ភ្នំពេញ 3A-2928បានបេីកថយក្រោយចុះទួល ដោយខ្វះការប្រុងប្រយ័ត្នធ្វើឱ្យរថយន្តផ្អៀងមួយចំហៀងក្រឡាប់ផ្ងារជេីងម្ខាងបណ្ដាលឱ្យរងការខូចខាត តែសំណាងល្អមិនបង្កឱ្យមានមនុស្សណាម្នាក់រងរបួសនោះទេ ។
ក្រោយពេលកេីតហេតុ សមត្ថកិច្ចមូលដ្ឋានបានចុះមកដល់ និងពិនិត្យមេីលជាក់ស្ដែងឃេីញថាមិនមានប៉ះពាល់ដល់សម្បត្តិរដ្ឋ និងទ្រព្យសម្បត្តិប្រជាពលរដ្ឋ នោះក៏បានឱ្យតំណាងក្រុមហ៊ុននៃរថយន្តបង្កខាងលេី ហៅរថយន្តស្ទូចមកស្ទូចយករថយន្តទៅជួសជុលដោយខ្លួនឯង ៕
ដោយ ៖ ភារ៉ា ដង្កោ
