សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន ៖ បើតាមប្រភពព័ត៌មាននៅជិតកន្លែងកើតហេតុបានឲ្យដឹងថា មានករណីគ្រោះថ្នាក់មួយ ដោយយុវជនម្នាក់បើកបរម៉ូតូក្នុងល្បឿនលឿនពីត្បូងទៅជើងមិនប្រុងប្រយ័ត្នទៅបុក ម៉ូតូលោក តា ម្នាក់ ដែលបត់ម៉ូតូឆ្លងផ្លូវពីកើតទៅលិច មិនមើលឆ្វេងស្ដាំ បណ្ដាលឲ្យលោក តា ដួលរងរបួសធ្ងន់ បាក់ជើងខាងឆ្វេង , ក្រោយមកត្រូវបានរថយន្តសង្គ្រោះរបស់មន្ទីរពេទ្យបង្អែកខេត្តប៉ៃលិនដឹកយកទៅព្យាបាល។
សមត្តកិច្ចជំនាញបានឲ្យដឹងថា ករណីគ្រោះថ្នាក់ចរាចរណ៍រវាងម៉ូតូនិងម៉ូតូកើតឡើងនៅវេលាម៉ោង១៧និង៤០នាទី ថ្ងៃទី១៦ ខែកុម្ភៈ ឆ្នាំ២០២២ នៅចំណុចទល់មុខសណ្ឋាគារមាស សោភា ផ្លូវជាតិលេខ៥៧ ស្ថិតនៅភូមិវត្ត សង្កាត់ប៉ៃលិន ក្រុងប៉ៃលិន ខេត្ដប៉ៃលិន បណ្ដាលឱ្យលោកតាម្នាក់រងរបួសធ្ងន់ (បាក់ជើងធ្វេង),ចំណែកម៉ូតូទាំង២គ្រឿងខូតខាតកម្រិតស្រាល) ។
សមត្តកិច្ចបានបន្តថា÷ទី១-អ្នកបង្កមានឈ្មោះ ស្រឹម សោភ័ណ្ឌ ភេទប្រុស អាយុ១៤ឆ្នាំ មុខរបរសិស្ស (រងរបួសស្រាល)រស់នៅភូមិចំការកាហ្វេ សង្កាត់ទួលល្វា ក្រុងប៉ៃលិន ខេត្តប៉ៃលិន បើកបរម៉ូតូម៉ាក ហុងដាឌ្រីម ស៊េរីឆ្នាំ២០០៧ ពណ៌ខ្មៅ ពាក់ស្លាកលេខ កំពត១G-៦៣៧១ ។
ទី២-ជនរងគ្រោះ ឈ្មោះ សួស សុន ភេទប្រុស អាយុ៦៧ឆ្នាំ រស់នៅភូមិវត្ត សង្កាត់ប៉ៃលិន ក្រុងប៉ៃលិន ខេត្តប៉ៃលិន បើកបរម៉ូតូម៉ាក ហុងដាឌ្រីម ពណ៌ខ្មៅ ស៊េរីឆ្នាំ២០០៥ ពាក់ស្លាកលេខ ប៉ៃលិន១A-៤៩០៨ រងរបួសបាក់ជើងធ្វេង។
សមត្តកិច្ចនគរបាលជំនាញនៃអធិការក្រុងបានបន្តទៀតថា មូលហេតុ បណ្តាលមកពីកត្តាមនុស្សបើកបរមិនគោរពផ្លូវអាទិភាព បើកបរក្នុងល្បឿនលឿន។
ក្រោយពីកើតហេតុកម្លាំងផ្នែកសណ្តាប់ធ្នាប់ចរាចរណ៍នៃអធិការដ្ឋាននគរបាលក្រុងប៉ៃលិន បានចុះវាស់វែងរួច ម៉ូតូទាំងពីរគ្រឿង ត្រូវបានយកទៅរក្សាទុកនៅអធិការដ្ឋាននគរបាលក្រុងប៉ៃលិន រង់ចាំធ្វើការដោះស្រាយនៅពេលក្រោយ ៕
ដោយ៖ស សារ៉េត
