ម្ចាស់ការពារតំណែងជើងឯក Chelsea មានសង្ឃឹមច្រើនក្នុងជើងទី១ពេលប៉ះ Lille វគ្គ១៦ក្រុម

ចែករំលែក៖

ក្រុមតោខៀវ Chelsea នឹងបើកទ្វារទទួលក្រុម Lille នៅរាត្រីថ្ងៃអង្គារនេះសម្រាប់ការប្រកួតពានរង្វាន់ UEFA Champions League វគ្គ១៦ក្រុមចុងក្រោយ ជើងទី១នៅកីឡដ្ឋាន Stamford Bridge។

Chelsea រកបាន១ពិន្ទុក្នុងការប្រកួតវគ្គចែកពូលចុងក្រោយរបស់ពួកគេដោយស្មើ ៣-៣ នៅកីឡដ្ឋាន Saint-Petersburg ទល់នឹងក្រុម Zenit។ខ្សែប្រយុទ្ធ Timo Werner រកបាន២គ្រាប់នាំមុខ ហើយចាប់តាំងពីពេលនោះមក ពួកគេបានឈ្នះ៣ប្រកួតជាប់គ្នាក្នុងការប្រកួតទាំងអស់។

ចំណែកការប្រកួតវគ្គចែកពូលចុងក្រោយរបស់ក្រុម Lille បានយកឈ្នះ ៣-១ លើក្រុម Wolfsburg នៅកីឡដ្ឋាន VOLKSWAGEN ARENA។កីឡាករ Burak Yilmaz, Jonathan David, និង Angel Gomes បានស៊ុតបាល់បញ្ចូលទីក្នុងជ័យជម្នះនេះ។ ១១ពិន្ទុរបស់ក្រុម Lille ធ្វើឲ្យពួកគេឈរលេខ១ក្នុងពូល ខណៈ Chelsea បញ្ចប់នៅលេខ២មាន១៣ពិន្ទុ។

នៅពេលដែលក្រុមទាំង២ជួបគ្នាចុងក្រោយនេះ ក្រុម Chelsea បានយកឈ្នះក្នុងលទ្ធផល ២-១ ក្នុងការប្រកួតវគ្គចែកពូល Champions League នៅកីឡដ្ឋាន Stamford Bridge កាលពីខែធ្នូ ឆ្នាំ២០១៩។ សម្រាប់ការប្រកួតនៅរាត្រីនេះក្រុមតោខៀវ មានប្រៀបជាងគូប្រកួត ដោយមានសង្ឃឹមច្រើនក្នុងការប្រជែងយកគ្រាប់បាល់ចំណេញសម្រាប់ជើងទី១ពេលប៉ះក្រុម Lille នេះ។

ខ្សែប្រយុទ្ធនាំមុខក្លិបកីឡាករ Werner ដោយស៊ុតបញ្ចូលទីបាន៣គ្រាប់ក្នុងចំណោមគ្រាប់បាល់ដែលជាគ្រាប់បាល់សំខាន់ដំបូងក្នុងការប្រកួតឲ្យ Chelsea នៅក្របខ័ណ្ឌ Champions League។ ចំណែកកីឡាករសំខាន់របស់ក្រុម Lille គឺ David ដែលបានស៊ុតបញ្ចូលទីក្នុងយុទ្ធនាការ Champions League ដោយរកបានគ្រាប់បាល់បើកឆាកមួយប្រកួតផងដែរក្នុងគ្រាប់បាល់ទាំង៣របស់គាត់។

ក្រុមទាំង២កំពុងស្ថិតនៅចំកណ្តាលនៃការរកគ្រាប់បាល់បានជោគជ័យក្នុងក្របខ័ណ្ឌ Champions League ខណៈដែលក្រុមម្ចាស់ផ្ទះបានវាយបកតាមពីក្រោយក្នុងការប្រកួតចំនួន៤ចុងក្រោយរបស់ពួកគេក្នុងការប្រកួត ហើយក្រុមភ្ញៀវបានរកគ្រាប់បាល់បញ្ចូលទីចំនួន៣លើកជាប់គ្នា។ ក្នុងការប្រកួត Champions League ចំនួន៣លើកនៅកីឡដ្ឋាន Stamford Bridge ក្នុងរដូវកាលនេះ Chelsea ទទួលបាន៩ពិន្ទុទាំងអស់ ជាមួយនឹងការស៊ុតបញ្ចូលទី៩គ្រាប់។ ជាមួយនឹងជ័យជម្នះ២លើក និងចាញ់តែ១ដងក្នុងការប្រកួតរបស់ Lille មានកំណត់ត្រាដ៏ល្អមួយក្នុងការប្រកួតក្រៅដីក្នុងយុទ្ធនាការនេះ។

ក្រុមតោខៀវ Chelsea បានឈ្នះរាល់ការប្រកួត៦លើកចុងក្រោយរបស់ពួកគេក្នុងការប្រកួតទាំងអស់។ ក្រុមនេះរកបានគ្រាប់បាល់បញ្ចូលទី៩គ្រាប់និងរបូត៣គ្រាប់នៅក្នុងការប្រកួតនោះ។ ចំណែកក្រុម Lille ៦ប្រកួតចុងក្រោយគឺឈ្នះ៣ ស្មើ២ និងចាញ់១ ខណៈដែល៣ប្រកួតចុងក្រោយក្នុងក្របខ័ណ្ឌ Champions League វគ្គជម្រុះតាមពូលគឺឈ្នះទាំង៣ប្រកួត ៕