សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ អគ្គិភ័យមួយបានឆាបឆេះបង្គោលខ្សែភ្លើងមួយដើមយ៉ាងសន្ធោសន្ធៅ បង្កការភ្ញាក់ផ្អេីលដល់អាជ្ញាធរមូលដ្ឋាន កាលពីវេលាម៉ោង ១១និង៣០នាទី ថ្ងៃត្រង់ទី៩ ខែមីនា ឆ្នាំ២០២២ ស្ថិតនៅតាមបណ្តោយផ្លូវ២១៧ ក្នុងសង្កាត់ស្ពានថ្ម ខណ្ឌដង្កោ រាជធានីភ្នំពេញ ។
យោងតាមប្រភពព័ត៌មានពីសមត្ថកិច្ចបានឱ្យដឹងថា មុនពេលកើតហេតុគេបានឃើញបង្គោលខ្សែភ្លើងមួយដើមបានផ្ទុះចេញផ្កាភ្លើងចេញពីបង្គោលក៏បង្កជាអគ្គិភ័យឆាបឆេះយ៉ាងសន្ធោសន្ធៅ ភ្លាមៗនោះសមត្ថកិច្ចមូលដ្ឋានបានយកបំពង់ពន្លត់អគ្គិភ័យធ្វើការបាញ់ពន្លត់ដែលដោយសារតែគ្រប់គ្រងមិនបាន ក៏សមត្ថកិច្ចមូលដ្ឋានបានទាក់ទងមកកាន់ជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តចំនួនមួយគ្រឿងចុះទៅដល់ទីតាំងកន្លែងកើតហេតុ និង បានធ្វើការបាញ់ពន្លត់ជាស្ថាពរនៅពេលវេលាម៉ោងដដែល៕
ដោយ ៖ ភារ៉ា ដង្កោ
