សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមការបញ្ជាក់ពីលោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានថ្លែងឱ្យដឹងនៅព្រឹកថ្ងៃព្រហស្បតិ៍ទី១០ ខែមីនា ឆ្នាំ២០២២នេះថា៖ ក្រសួងសុខាភិបាល សូមច្រានចោលទាំងស្រុងនូវការចុះផ្សាយ ព័ត៌មានប្រឌិត និងមិនត្រឹមត្រូវនេះ ដែលជាការរៀបចំឡើងដើម្បីបង្កឲ្យមានការយល់ច្រឡំ និងមានចេតនាបំពុលសង្គមផងដែរ។
លោកស្រី ឱ វណ្ណឌីន បានថ្លែងបន្តថា សូមបងប្អូនបញ្ឈប់នូវការចែកចាយបន្តនូវព័ត៌មានប្រឌិតនេះជាបន្ទាន់ និងសូមអាជ្ញាធរមានសមត្ថកិច្ចមេត្តាជួយចាត់ការតាមផ្លូវច្បាប់ផង។
គួរបញ្ជាក់ថា កន្លងទៅ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា ក៏ធ្លាប់បានអំពាវនាវដល់អ្នកសារព័ត៌មាន ត្រូវបំពេញ តួនាទីតាមវិជ្ជាជីវៈ បញ្ចេញនូវព័ត៌មានពិត ដេីម្បីប្រយុទ្ធប្រឆាំង ព័ត៌មានមិនពិត ទាំងនៅក្របខ័ណ្ឌ ជាតិ- អន្តរជាតិ និងត្រូវបន្ត បំផ្លាញចោលពួក ឱកាសនិយមស្វែងរក ផលប្រយោជន៍ ផ្ទាល់ខ្លួន ជ្រកក្រោមស្លាកសារព័ត៌មាន ធ្វើឱ្យប៉ះពាល់ដល់តម្លៃ កិត្យានុភាព របស់អ្នកសារព័ត៌មានទូទៅផងដែរ៕
ដោយ៖សហការី
