សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តក្រុមហ៊ុនសុិនទ្រីប្រមូលសំរាមមួយគ្រឿង បានជ្រុលទៅរថយន្តទឹកជ្រូក បណ្ដាលឲ្យរងការខូចខាតយ៉ាងដំណំ និងបង្កឲ្យមនុស្ស៣នាក់រងរបួសធ្ងន់ស្រាល កាលពីវេលាម៉ោង១១និង៣០ នាទីយប់ថ្ងៃទី ១២ខែមីនាឆ្នាំ ២០២២ នៅតាមបណ្តោយផ្លូវ ២១៧ នៅសង្កាត់ដង្កោ ខណ្ឌដង្កោ។
តាមប្រភពព័ត៌មានបានប្រាប់ឲ្យដឹងថានៅមុនពេលកើតហេតុ គេឃើញបុរសម្នាក់បើករថយន្តធុនធំដឹកជ្រូកប្រហែលចំនួន៥ទៅ ៦ ក្បាល ធ្វេីដំណេីរតាមផ្លូវបេតុងទិសដៅពីលិចទៅកេីត បំណងឆ្លងផ្លូវ២១៧បត់ឆ្វេង តែមិនទាន់ឆ្លងផុតផងស្រាប់តែមានរថយន្តប្រមូលសំរាម បើកតាមបណ្តោយផ្លូវ ២១៧ក្នុងទិសដៅពីជើងទៅត្បូងក្នុងល្បឿនលឿនចាប់ហ្រ្វ័ងមិនទាន់ជ្រុលទៅបុករថយន្តដឹកជ្រូកចំពាក់កណ្ដាលហើយគាមគ្នាឡេីងលេីចិញ្ចើមផ្លូវធ្វើឲ្យអ្នកបើកបររថយន្តប្រមូលសំរាមនិងកម្មករប្រមូលសំរាមរងរបួសធ្ងន់ស្រាលចំនួន៣នាក់ ភ្លាមនោះអ្នករងរបួសត្រូវបានរថយន្តរបស់គ្លីនិកឯកជនដឹកទៅសង្គ្រោះភ្លាមៗ។
ក្រោយពេលកើតហេតុ សមត្ថកិច្ចប៉ុស្តិ៍នគរបាលរដ្ឋបាលដង្កោ បានចុះទៅដល់ទីតាំងនៅកន្លែងកើតហេតុនិងរាយការណ៍ទៅសមត្ថកិច្ចជំនាញចរាចរណ៍ខណ្ឌដង្កោដើម្បីចុះទៅធ្វើការវាស់វែងយករថយន្តទាំងពីរគ្រឿងយកមករក្សាទុកនៅអធិការរដ្ឋានខណ្ឌដង្កោរង់ចាំធ្វើការដោះស្រាយនៅពេលក្រោយ៕
ដោយ ៖ ភារ៉ា ដង្កោ
