សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង៖ បើយោងតាមរបាយការណ៍របស់នគរបាលខេត្តកោះកុង បានឱ្យដឹងនៅព្រឹកថ្ងៃអាទិត្យទី១៣ ខែមីនា ឆ្នាំ២០២២នេះថា៖ កម្លាំងជំនាញព្រហ្មទណ្ឌខេត្ត បានបញ្ជូនខ្លួនស្រ្តីម្នាក់ ដែលជាអ្នកកត់កន្ទុយលេខខុសច្បាប់(ឆ្នោតយួន-ថៃ) ទៅកាន់សាលាដំបូងខេត្តកោះកុង ដេីម្បីចាត់ការតាមច្បាប់។
របាយការណ៍ដដែល បានបន្តថា កម្លាំងនគបាលក្រុងខេមរភូមិន្ទ ក្រោមការសម្របសម្រួលពីលោក វ៉ៃ ភិរម្យ ព្រះរាជអាជ្ញារងអមសាលាដំបូងខេត្តកោះកុង ចុះបង្ក្រាបទទីតាំងកត់ឆ្នោត ដោយគ្មានច្បាប់អនុញ្ញាតមួយកន្លែង នៅចំនុចខាងកើតកែងផ្សារដងទង់ ស្ថិតក្នុងភូមិ៣ សង្កាត់ដងទង ខេត្តកោះកុង កាលពីថ្ងៃទី១១ ខែមីនា ឆ្នាំ២០២២ ។
ស្រ្តីសង្ស័យឈ្មោះ ជា ហ្គេវជូ អាយុ៥៧ឆ្នាំ ជាម្ចាស់ទីតាំងបើកទីតាំងកត់ឆ្នោតខុសច្បាប់ខាងលើ ស្នាក់នៅទីតាំងឃាត់ខ្លួន។
បេីយោងតាមការបញ្ជាក់ពីលោក វ៉ៃ ភិរម្យ ព្រះរាជអាជ្ញារងអមសាលាដំបូងខេត្តកោះកុង បានថ្លែងនៅព្រឹកថ្ងៃទី១៣ ខែមិនា ឆ្នាំ២០២២នេះថា៖ ក្នុងប្រតិបត្តិការបង្ក្រាប និងទប់ស្កាត់ការលេងល្បែងស៊ីសងកត់ឆ្នោតថៃ-វៀតណាម ក្រោយពីអង្កេតស្រាវជ្រាវអស់ពេលជាច្រើនខែ អំឡុងពេលពិនិត្យ គឺពិតជារកឃើញថាធ្វើអាជីវកម្មខុសច្បាប់ប្រាកដមែន ដោយជ្រកក្រោមអាជ្ញាបណ្ណ័ ឆ្នោតផ្សេងៗ។
លោកព្រះរាជអាជ្ញារងខេត្តកោះកុង បានសង្កត់ធ្ងន់ថា ប្រតិបត្តិការបង្ក្រាបល្បែងឆ្នោត ស៊ីសង នឹងបន្តស្រាវជ្រាវអនុវត្តនៅទីតាំងផ្សេងក្នុងមូលដ្ឋាន គ្រាសកម្មភាព បទល្មើសល្បែងស៊ីសងចាក់ឆ្នោត បៀរ អាប៉ោង ជល់មាន់កំពុងកើតមាន លួចលាក់ជាច្រើនកន្លែងគ្មានការអនុញ្ញាត។ ម្យ៉ាងការលេងល្បែងស៊ីសង វាផ្ទុយនឹងគោលនយោបាយភូមិឃុំសង្កាត់មានសុវត្ថិភាពរបស់រាជរដ្ឋាភិបាល។
ចំណែកវត្ថុតាងដកហូតរួមមាន៖ ក្រដាស់កត់កន្ទុយលេខឆ្នោតវៀតណាម២ដុំចំនួន១០៧សន្លឹក (លទ្ធផល) -ត្រាឆ្នោតថៃចំនួន៤-ត្រាឆ្នោតវៀតណាមចំនួន០២-ត្រាថ្ងៃខែឆ្នាំចំនួន២ -កន្ទុយឆ្នោតចំនួន១ដុំ-ម៉ាសុីនគិតលេខ១-បុិច៣ដើម-ប្រដាប់កឹបក្រដាស០១-សន្លឹកកន្ទុយឆ្នោតដកហូតពីរក្នុងការបូប១ដុំ ស្មើរ៤៤សន្លឹក -ក្រដាសប្រាក់-(លុយឆ្នោត) ៦៨១,០០០រៀល (លុយរកសុី) ១,៩៨២,៥០០រៀល• (លុយដុល្លា) ១០០ដុល្លារ• (លុយបាត) ២០បាត ។នេះជាការអះអាងពីឈ្មោះ អៀប លេងហ្គេច ត្រូវជាកូនស្រីម្ចាស់ទីតាំង ព្រោះលុយទាំងនេះទុកក្នុងការបូបរបស់ ជា ហ្គេវជូ (ម្តាយ) ហើយកូនស្រីគាត់ជាអ្នករាប់លុយនៅចំពោះមុខសមត្ថកិច្ច។
បច្ចុប្បន្នស្រ្តីរូបនេះ ត្រូវបានសមត្ថកិច្ចបញ្ជូនខ្លួនទៅតុលាការខេត្ត ដើម្បីចាត់ការតាមច្បាប់៕
ដោយ៖សហការី
