សារព័ត៌មាន នគរវត្ត តែងតែនាំមុខគេជានិច្ច
គ្រូបង្វឹកសញ្ជាតិព័រទុយហ្គាល់លោក Fernando Santos បានពណ៌នាការប្រកួតជម្រុះ World Cup វគ្គ Playoff ថា ជាការប្រកួតប្រជែងដ៏សំខាន់បំផុតនៃពេលវេលារបស់គាត់ក្នុងការដឹកនាំ ខណៈដែលគាត់បានប្រកាសពីបញ្ជីឈ្មោះក្រុមរបស់គាត់កាលពីថ្ងៃសុក្រ។
ព័រទុយហ្គាល់នឹងប្រកួតជាមួយទួរគីនៅថ្ងៃទី២៤ ខែមីនានៅទីក្រុង Porto ជាមួយនឹងក្រុមឈ្នះនឹងត្រូវជួបជាមួយអុីតាលី ឬ North Macedonia នៅ៥ថ្ងៃក្រោយមកនៅក្នុងការប្រកួតដែលនឹងកំណត់កន្លែងមួយក្នុងចំណោម៣ក្រុមចុងក្រោយដែលនៅសល់សម្រាប់ក្រុមនៅតំបន់អឺរ៉ុបទៅកាន់ប្រទេសកាតាសម្រាប់ជាម្ចាស់ផ្ទះ World Cup ឆ្នាំ២០២២ដែលចាប់ផ្តើមនៅខែវិច្ឆិកាខាងមុខ។
ខ្សែប្រយុទ្ធជើងចាស់របស់ក្លិប Manchester United កីឡាករ Cristiano Ronaldo ត្រូវបានដាក់ឈ្មោះក្នុងក្រុមទាំង២៥នាក់ដែលនឹងចាប់ផ្តើមការរៀបចំរបស់ពួកគេនៅថ្ងៃចន្ទ។
លោក Santos បានប្រាប់សន្និសីទសារព័ត៌មានថា “វាសាមញ្ញដែលយើងត្រូវការដើម្បីឈ្នះ គ្មានអ្វីជាបញ្ហាទេ។ នេះគឺជាបញ្ហាប្រឈមដ៏សំខាន់បំផុតដែលខ្ញុំមានក្នុងនាមជាអ្នកចាត់ការសញ្ជាតិព័រទុយហ្គាល់ ដែលមិនមែនជាការលំបាកបំផុតនោះទេ។ យើងត្រូវតែនៅក្នុងការប្រកួតបាល់ទាត់ពិភពលោកសម្រាប់ប្រជាជនរបស់យើង។ សំបុត្រត្រូវបានលក់អស់ក្នុងរយៈពេលជាងមួយខែមុន អ្នកគាំទ្ររបស់យើងជាកត្តាសំខាន់ ហើយយើងមិនអាចធ្វើឲ្យពួកគេខកចិត្តឡើយ”។
ក្នុងរយៈពេល៨ឆ្នាំរបស់គាត់ក្នុងនាមជាអ្នកចាត់ការសញ្ជាតិព័រទុយហ្គាល់លោក Santos បានដឹកនាំក្រុមឈ្នះជើងឯកទ្វីបអឺរ៉ុប(យូរ៉ូ)ឆ្នាំ២០១៦ និងឈានដល់វគ្គ១៦ក្រុមចុងក្រោយនៅ World Cup 2018 នៅប្រទេសរុស្ស៊ី។ គ្រូបង្វឹកមានទំនុកចិត្តថា ក្រុមរបស់គាត់ដែលបានធ្លាក់ចូលទៅក្នុងវគ្គ playoff បន្ទាប់ពីចាញ់ការប្រកួតវគ្គជម្រុះតាមពូលចុងក្រោយជាមួយនឹងប្រទេសស៊ែប៊ីអាចឆ្លងកាត់បានប្រសិនបើសមាជិកក្រុមរក្សាសាមគ្គីភាព និងខិតខំប្រឹងប្រែងរបស់ពួកគេ។
លោក Santos បានបញ្ជាក់ថា “យើងស្ថិតនៅក្នុងក្រុមដែលមិនមានភាពវិជ្ជមាន! យើងចាញ់មួយប្រកួតក្នុង៧ប្រកួតចុងក្រោយ។ មានរឿងដែលមិនល្អ ប៉ុន្តែយើងគ្រាន់តែមិនឈ្នះការប្រកួតជាមួយស៊ែប៊ី។ យើងមានការខកចិត្តយ៉ាងខ្លាំងចំពោះរឿងនោះ ប៉ុន្តែឥឡូវនេះវាគឺអំពីការទទួលយកអ្វីដែលវិជ្ជមាន ហើយឈ្នះម្តងទៀត។ ទេពកោសល្យរបស់កីឡាករគឺស្ថិតនៅក្នុងគំនិតត្រឹមត្រូវដើម្បីឈ្នះការប្រកួត”។
ខាងក្រោមនេះគឺជាបញ្ជីឈ្មោះសមាជិកក្រុមជម្រើសជាតិព័រទុយហ្គាល់ទាំង២៥រូបដែលត្រូវប្រកួតវគ្គ playoff ជាមួយក្រុមជម្រើសជាតិទួរគី៖
អ្នកចាំទី៖ Rui Patrício (Roma), Anthony Lopes (Lyon), DiogoCosta (Porto)។
ខ្សែការពារ៖ Cédric Soares (Arsenal), Diogo Dalot (Manchester United), João Cancelo (Manchester City), Gonçalo Inácio(Sporting Lisboa), José Fonte (Lille), Pepe (Porto), NunoMendes (Paris St Germain), Raphael Guerreiro (BorussiaDortmund)។
ខ្សែបម្រើ៖ Danilo (Paris Saint Germain), Rúben Neves (Wolves), William Carvalho (Betis), Bruno Fernandes (Manchester United), João Moutinho (Wolves), Matheus Nunes (Sporting Lisboa), Otávio (Porto), Bernardo Silva (Manchester City)។
ខ្សែប្រយុទ្ធ៖ André Silva (Leipzig), Cristiano Ronaldo (Manchester United), Diogo Jota (Liverpool), Gonçalo Guedes(Valencia), João Félix (Atletico Madrid), Rafael Leão (AC Milan) ៕
ដោយ៖ ភារៈ(រូបភាព ៖ Reuters/CNA)
