សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នារីម្នាក់រងរបួសធ្ងន់ត្រូវបានរថយន្តសាមុយដឹកបញ្ជូនទៅកាន់មន្ទីរពេទ្យភ្លាមៗ បន្ទាប់ពីជិះម៉ូតូបត់ត្រឡប់ក្រោយត្រូវរថយន្តហុីយ៉ាន់ដាយដឹកទំនិញបុកពេញទំហឹង កាលពីវេលាម៉ោង១៨ និង៣០នាទី ថ្ងៃទី២៣ ខែមីនា ឆ្នាំ២០២២ នៅតាមបណ្ដោយផ្លូវលេខ៣៧១ ក្នុងសង្កាត់ដង្កោ ខណ្ឌដង្កោ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុមាននារីម្នាក់ជិះម៉ូតូមួយគ្រឿងម៉ាកធូដេ ពណ៌ផ្កាឈូក ពាក់ស្លាកលេខ កណ្ដាល 1T-4059 ធ្វេីដំណេីរតាមបណ្ដោយផ្លូវលេខ៣៧១ ពីលិចទៅកេីត ខណៈមកដល់ចំណុចកេីតហេតុក៏បត់ត្រឡប់ក្រោយវិញ ស្រាប់តែត្រូវរថយន្តម៉ាក ហុីយ៉ាន់ដាយដឹកទំនិញ ពណ៌ស ពាក់ស្លាកលេខ កំពង់ចាម 3A-3104 ដែលធ្វេីដំណេីរពីកេីតទៅលិចក្នុងល្បឿនលឿន ជ្រុលទៅបុកម៉ូតូធូដេខាងលេីបណ្ដាលឱ្យរងការខូចខាតផ្នែកខាងក្រោយ និងធ្វេីឱ្យនារីម្នាក់រងរបួសធ្ងន់ ។
ក្រោយកេីតហេតុភ្លាមៗ តៃកុងរថយន្តបង្កហេតុបានចុះគេចខ្លួនបាត់ស្រមោល រីឯនារីរងគ្រោះត្រូវបានរថយន្តសាមុយដឹកបញ្ជូនទៅមន្ទីរពេទ្យដេីម្បីសង្គ្រោះអាយុជីវិត ។ ក្នុងហេតុការណ៍គ្រោះថ្នាក់ចរាចរណ៍នេះក៏បង្កឱ្យមានការកកស្ទះចរាចរណ៍ជាខ្លាំងណាស់ដែរ តែបន្តិចក្រោយមកទេីបសមត្ថកិច្ចមូលដ្ឋានចុះមកសម្រួលចរាចរណ៍និងទាក់ទងទៅសមត្ថកិច្ចជំនាញមកធ្វេីការវាស់វែងយករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌដង្កោ រង់ចាំដោះស្រាយគ្នានាពេលក្រោយ ៕
ដោយ ៖ ភារ៉ា ដង្កោ
