សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ បុរសម្នាក់ ដែលជាមុខសញ្ញាចែកចាយគ្រឿងញៀនយ៉ាងសកម្មនៅស្រុកមោងឫស្សី ត្រូវបានកម្លាំងជំនាញស្រុក ធ្វើការស្រាវជ្រាវរហូតឈានដល់ការចុះបង្រ្កាប និងឃាត់ខ្លួន រួមនិងវត្ថុតាងជាក់ស្ដែង។ នេះបេីយោងតាមរបាយការណ៍របស់ស្នងការដ្ឋាននគរបាលខេត្តបាត់ដំបង។
របាយការណ៍ដដែល បានបន្តថា លោកវរសេនីយ៍ឯក ស គឹមឡុង អធិការនគរបាលស្រុកមោងឫស្សី នៅវេលាម៉ោង១០និង២៥នាទីព្រឹកថ្ងៃព្រហស្បតិ៍ទី៥ខែ ឧសភា ឆ្នាំ២០២២នេះ បានដឹកនាំកម្លាំងផ្នែកប្រឆាំងគ្រឿងញៀន រួមជាមួយកម្លាំងប៉ុស្ដិ៍នគរបាលរដ្ឋបាលជ្រៃបង្រ្កាបករណីរក្សាទុក ដោយខុសច្បាប់នូវសារធាតុញៀន០១ករណីក្នុងបទល្មើសជាក់ស្ដែង ត្រង់ចំណុចវាលស្រែ ក្រុមទី០២ ភូមិត្រស់ ឃុំតាលាស់ ស្រុកមោងឫស្សី ខេត្តបាត់ដំបង។ ដោយឃាត់ខ្លួនជនសង្ស័យម្នាក់ឈ្មោះ រ័ត្ន ណាក់រីន ភេទប្រុស អាយុ២៤ឆ្នាំ រស់នៅភូមិម្រះព្រៅ ឃុំជ្រៃ ស្រុកមោងឫស្សី ខេត្តបាត់ដំបង។
ចំណែកវត្ថុតាងចាប់យកបាន៖ ម្សៅក្រាមពណ៌សថ្លាច្រកក្នុងថង់ប្លាស្ទិកសថ្លាចំនួន០១កូនថង់មានទម្ងន់១,៥១ក្រាម ទាំងសំបក(សង្ស័យមានសារធាតុញៀន) ,បំពង់ជក់ថ្នាំញៀនចំនួន០១ ,ដែកកេះចំនួន០១ ,ទូរស័ព្ទដៃចំនួន០១គ្រឿង និងម៉ូតូចំនួន០១គ្រឿង។
បច្ចុប្បន្នជនសង្ស័យខាងលើត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកមោង ឫស្សីដើម្បីកសាងសំណុំបញ្ជូនមកការិយាល័យជំនាញអនុវត្តតាមនីតិវិធីច្បាប់៕
ដោយ៖សហការី
