សារព័ត៌មាន នគរវត្ត តែងតែនាំមុខគេជានិច្ច
កីឡាករ Jesse Lingard បានលាលែងពីបញ្ជីឈ្មោះកីឡាករដើម្បីចាកចេញពីក្លិបបិសាចក្រហម Manchester United នៅរដូវក្តៅនេះ បន្ទាប់ពីមានអារម្មណ៍ធុញទ្រាន់នឹងការមិនចាប់អារម្មណ៍របស់ក្លិបចំពោះរូបគាត់ក្នុងអំឡុងពេល១២ខែកន្លងមកនេះ។ កិច្ចសន្យារបស់ Lingard នឹងផុតកំណត់នៅខែមិថុនា ហើយក្លិបមួយចំនួនដូចជា Newcastle, AC Milan, Juventus និង Paris St-Germain បានបង្ហាញចំណាប់អារម្មណ៍លើខ្សែបម្រើវ័យ២៩ឆ្នាំរួចទៅហើយ។
គ្រូបង្វឹកថ្មីរបស់ក្លិបបិសាចក្រហម Man United លោក Erik Ten Hag ចង់និយាយជាមួយកីឡាករអន្តរជាតិអង់គ្លេសរូបនេះអំពីអនាគតរបស់គាត់ប៉ុន្តែ Lingard ហាក់មិនមានចំណាប់អារម្មណ៍ក្នុងការនិយាយជាមួយបុរសសញ្ជាតិហូឡង់រូបនេះនោះទេ ដែលលោកមានការចាប់អារម្មណ៍យ៉ាងខ្លាំងចំពោះ Lingard ក្នុងអំឡុងពេលទីផ្សារដោះដូរកីឡាករពេលកន្លងមក។
ទោះជាយ៉ាងណាក៏ដោយ United បានបដិសេធមិនអនុញ្ញាតឱ្យ Lingard ចូលរួមជាមួយគូប្រជែងកំពូលទាំង៤ ហើយទាំងអតីតអ្នកចាត់ការលោកOle Gunnar Solskjaer និងអ្នកជំនួសបណ្តោះអាសន្នលោក Ralf Rangnick បានប្រាប់ខ្សែប្រយុទ្ធរូបនេះថា គាត់នឹងទទួលបានឱកាសមួយដើម្បីជំរុញការទាមទាររបស់ក្រុមដំបូងរបស់គាត់។ ប៉ុន្តែ Lingard បានចាប់ផ្តើមការប្រកួត Premier League បានតែ២ប្រកួតប៉ុណ្ណោះនៅរដូវកាលនេះ ហើយបានធ្វើឱ្យមានការខកចិត្តកាលពីថ្ងៃចន្ទ នៅពេលដែលលោក Rangnick មិនបានឲ្យគាត់ចូលលេងក្នុងជម្រើសដំបូងក្នុងអំឡុងពេលប្រកួតឈ្នះ ៣-០ ទល់នឹងក្រុម Brentford ដែលនឹងក្លាយជាការលាគ្នានៅ Old Trafford សម្រាប់កីឡាករដែលបានចូលរួមជាមួយ United តាំងពីពេលគាត់មានអាយុ៧ឆ្នាំម្ល៉េះ។
កីឡាករ Lingard មានអារម្មណ៍ថា គាត់ត្រូវតែបង្កើនទម្រង់លេងល្អឡើងវិញនូវអាជីពជម្រើសជាតិអង់គ្លេសចំនួន៣២ដងរបស់គាត់ ដោយបានបង្ហាញខ្លួនក្នុងវគ្គជម្រុះ World Cup កាលពីខែកញ្ញា និងខែតុលា ឆ្នាំ២០២១។ កីឡាកររូបនេះបានខិតជិតក្នុងការទទួលបានការជ្រើសរើសសម្រាប់ព្រឹត្តិការណ៍ Euro 2020 ក្រោយពីការខ្ចីជើងនៅក្រុម West Ham។
ការចរចាជាមួយក្លិបចំនួន២ដែលចាប់អារម្មណ៍ Lingard ត្រូវបានគេនិយាយថា ស្ថិតក្នុងដំណាក់កាលស៊ីសង្វាក់គ្នា។ ជាមួយគ្នានោះក្លិប Newcastle បានព្យាយាមចុះហត្ថលេខាលើ Lingard កាលពីខែមករា ប៉ុន្តែកីឡាកររូបនេះមិនប្រាកដអំពីការផ្ទេរខ្លួនគាត់ទៅក្លិប ដែលនៅពេលនោះក្លិបនេះស្ថិតក្នុងស្ថានភាពដែលអាចកាត់ចោលពីលីគកំពូលអង់គ្លេស ៕
ដោយ៖ ភារៈ(រូបភាព ៖ BBC Sport)
