សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល ៖ លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (ស៉ីម៉ាក់) និងក្រុមការងារ នៅថ្ងៃទី០៧ ខែឧសភា ឆ្នាំ២០២២នេះបានចុះសំណេះសំណាល ជាមួយសមាជិកសមាជិកាបក្សចំនួនជាង៤០០នាក់ ដែលជាសាខាបក្សភូមិ ប្រធានក្រុមបក្ស និងជាពិេសសជាបេក្ខជនពេញសិទ្ធិនិងបម្រុងនៃឃុំក្អមសំណរ ស្រុកលើកដែក ខេត្ដកណ្ដាល។
ក្នុងឱកាសនោះ លោក ហេង រតនា បានបន្តជំរុញពង្រឹងស្មារតី និងឆន្ទះសមាជិកបក្សទាំងអស់ ត្រូវតែបោះឆ្នោតជូនបេក្ខជនឈរឈ្មោះរបស់គណបក្សប្រជាជនកម្ពុជា ដោយគោរពស្មោះត្រង់តាមគោលការណ៍គណបក្ស «សមាជិកគណបក្សម្នាក់ បោះឆ្នោតជូនគណបក្សប្រជាជនមួយសន្លឹក! »។
ជាមួយគ្នានោះ អគ្គនាយកស៊ីម៉ាក់ ក៏សូមវាយតម្លៃខ្ពស់ចំពោះក្រុមការងារ និងសមាជិកគណបក្សគ្រប់ជាន់ថ្នាក់ ដែលបានខិតខំប្រឹងប្រែងគ្រប់បែបយ៉ាង និងគាំទ្រដល់សកម្មភាពនានារបស់គណបក្សនៅតាមមូលដ្ឋាន ក្នុងបុព្វហេតុដើម្បីឧត្តមប្រយោជន៍ជាតិមាតុភូមិ គណបក្សប្រជាជនកម្ពុជា និងប្រជាពលរដ្ឋ។ សមាជិកគណបក្សទាំងអស់ ត្រូវបន្តពង្រឹងកម្លាំងស្នូលគណបក្ស បន្តចុះគ្រប់ខ្នងផ្ទះ គ្រប់គ្រួសារបក្ស និងកែលំអររាល់សកម្មភាពអវិជ្ជមានទាំងឡាយក្នុងមូលដ្ឋាន៕
ដោយ៖សហការី
