សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បេីយោងតាមប្រភពព័ត៌មានពីអគ្គស្នងការនគរបាលជាតិ នៅព្រឹកថ្ងៃព្រហស្បតិ៍ទី១២ ខែឧសភា ឆ្នាំ២០២២នេះ បានឱ្យដឹងថា កម្លាំងនគរបាលស្រុកភ្នំព្រឹក បង្រ្កាបនិងឃាត់ខ្លួនមនុស្ស២នាក់ពាក់ព័ន្ធករណីគ្រឿងញៀន កាលពីថ្ងៃទី១១ ឧសភាម្សិលមិញនេះ នៅចំណុចក្រុមទី០២ភូមិថ្នល់បត់ ឃុំអូររំដួល ស្រុកភ្នំព្រឹក ខេត្តបាត់ដំបង។
ប្រភពដដែលបន្តថា ជនសង្ស័យចំនួន០២នាក់ខាងលើនេះ៖១-ឈ្មោះ ប៊ុន ធួន ភេទប្រុស អាយុ ២៥ឆ្នាំ រស់នៅភូមិថ្នលបត់ ឃុំអូររំដួល ស្រុកភ្នំព្រឹក ខេត្តបាត់ដំបង។ និង២-ឈ្មោះ សុីស សុីនថន ភេទប្រុស អាយុ១៦ឆ្នាំ រស់នៅភូមិថ្នលបត់ ឃុំអូររំដួល ស្រុកភ្នំព្រឹក ខេត្តបាត់ដំបង ។
បេីតាមការបញ្ជាក់ពីលោកវរសេនីយ៍ទោ ហេងបារាំង អធិការនគរបាលស្រុកភ្នំព្រឹក បានឱ្យដឹងថា លោកបានដឹកនាំកម្លាំងផ្នែកប្រឆាំងគ្រឿងញៀន រួមជាមួយកម្លាំងផ្នែកនគរបាលយុត្តិធម៌និងកម្លាំងប៉ុស្តិ៍នគរបាលរដ្ឋបាលអូររំដួល នៃអធិការដ្ឋាននគរបាលស្រុកភ្នំព្រឹក បង្ក្រាបករណីរក្សាទុកដោយខុសច្បាប់នូវសារធាតុញៀន ចំនួន០១ករណី ក្នុងបទល្មើសជាក់ស្ដែង។ ដោយចាប់យកវត្ថុតាងរួមមាន៖ ម្សៅក្រាមពណ៌សថ្លាច្រកក្នុងថង់ប្លាស្ទិចពណ៌សថ្លា ចំនួន ០៥ថង់សង្ស័យជាសារធាតុញៀន
-ម៉ូតូម៉ាកMSXពណ៍ក្រហមចំនួន០១គ្រឿង
-ទូរស័ព្ទចំនួន០២ គ្រឿង
-សម្ភារៈសម្រាប់វេចខ្ចប់ចែករំលែកគ្រឿងញៀនមួយចំនួន។
បច្ចុប្បន្នសមត្ថកិច្ចនគរបាលស្រុក បានកសាងសំណុំរឿងបញ្ជូនមកការិយាល័យជំនាញ អនុវត្តន៍បន្តតាមនីតិវិធីច្បាប់៕
ដោយ៖សហការី
