សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល ៖ បន្ទាប់ពីមានករណីអគ្គិភ័យកំពុងឆាបឆេះឃ្លាំងស្តុកកំណាត់ យ៉ាងសន្ធោសន្ធៅ នៅចំណុចភូមិដើមគរ សង្កាត់ដើមមៀន ក្រុងតាខ្មៅ ខេត្តកណ្តាល នាវេលាម៉ោង៤ជាងរសៀលថ្ងៃទី១៣ ខែឧសភា ឆ្នាំ២០២២ ។
បន្ទាប់មានករណីនេះរួចមកលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ជាឱ្យ សមត្ថកិច្ចបញ្ចេញឡានទឹកនិងសុំជំនួយឡានទឹកផ្សេងទៀតចេញអន្តរាគមន៍ ពន្លត់អគ្គិភ័យ យ៉ាងយកចិត្តទុកដាក់ ដើម្បីជួយឱ្យបានទាន់ពេលវេលា។ គិតមកដល់វេលាម៉ោង១៧និង៣០នាទីថ្ងៃដដែលកិច្ចអន្តរាគមន៍ជួយពន្លត់បានរលត់ជាស្ថាពរហើយ។
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាលបានឲ្យដឹងថាករណីពន្លត់នេះ ប្រើប្រាស់ឡានទឹក៩គ្រឿង ឡានរាជធានី៤គ្រឿង រថយន្តអង្គរក្ស២គ្រឿង រថយន្តស្នងការខេត្តកណ្តាល២គ្រឿង រថយន្តស្រាបៀកម្ពុជា១គ្រឿង បាញ់ទឹកអស់១២ឡាន។
លោកស្នងការបន្តថា ករណីនេះ តាមការសន្និដ្ឋានគឺបណ្ដាលមកពីឆ្លងចរន្តអគ្គិសនី៕
ដោយ ៖ ស្អាង ជ័យ
