សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន ៖ យោងតាមរបាយការណ៍របស់លោកអធិការក្រុងប៉ៃលិនបានឲ្យដឹងថា កាលពីថ្ងៃទី១៩ ខែឧសភា ឆ្នាំ២០២២ វេលាម៉ោង២២និង៥០នាទី កម្លាំងផែនប្រឆាំងគ្រឿងញៀន នៃអធិការដ្ឋាននគរបាលក្រុងប៉ៃលិន សហការជាមួយកម្លាំងប៉ុស្តិ៍រដ្ឋបាលសង្កាត់បរយ៉ាខា បានចុះដល់ចំណុចស្ពានអូរច្រា ប្រទះឃេីញមុខសញ្ញាសង្ស័យចំនួន០២នាក់ ពេលនោះកម្លាំងសមត្ថកិច្ចបានហៅឲ្យឈប់ តែមុខសញ្ញាខាងលេីមិនព្រមឈប់ ហេីយព្យាយាមជិះម៉ូតូរត់គេចខ្លួន ពេលនោះកម្លាំងសមត្ថកិច្ចយេីងដេញតាមឃាត់ខ្លួនបាននៅចំណុចផ្លូវចូលទៅភ្នំចេក ភូមិបរយ៉ាខា សង្កាត់បរយ៉ាខា ក្រុងប៉ៃលិន ខេត្តប៉ៃលិន និងបាននាំខ្លួនមកកាន់អធិការដ្ឋាននគរបាលក្រុងប៉ៃលិន ដើម្បីសួរនាំមានឈ្មោះដូចខាងក្រោម ៖
១-ឈ្មោះ ផល ម៉ុន ភេទប្រុស អាយុ២៧ឆ្នាំ មុខរបរមិនពិតប្រាកដ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
២-ឈ្មោះ ឡាំ ម៉ារ៉ា ភេទ ប្រុស អាយុ២៧ឆ្នាំ មុខរបរមិនពិតប្រាកដ រស់នៅភូមិលូដាច់ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
សមត្តកិច្ចនគរបាលក្រុងបន្តថា÷វត្ថុតាងដកហូតសរុបរួមមាន ៖
១-ថ្នាំញៀនប្រភេទម៉ាទឹកកកចំនួន០១កញ្ចប់ ទម្ងន់ ០,៣២ក្រាម សាច់ថ្នាំសុទ្ធ។
២-ម៉ូតូម៉ាកហុងដាឌ្រីម ស៊េរីឆ្នាំ២០១៦ ពណ៌ខ្មៅ ស្លាកលេខ បាត់ដំបង1U 8143 ចំនួន០១គ្រឿង។
៣-ទូរស័ព្ទម៉ាកហូវ៉ៃ ពណ៌ខៀវចំនួន០១គ្រឿង។
៤-កាំបិតចំនួន០១ដេីម។
៥-កាំភ្លេីងច្នៃចំនួន០១ដេីម
៦-គ្រាប់ចំនួន៣៨គ្រាប់(គ្រាប់ឃ្លី)។
សមត្តកិច្ចនគរបាលជំនាញក្រុងបានបន្តទៀតថា÷ករណីនេះ មុននិងឃាត់ខ្លួនជនសង្ស័យបានស្នើសុំយោបល់លោកស្នងការ ដើម្បីឃាត់ខ្លួនជនសង្ស័យខាងលើរួមទាំងវត្ថុតាង នៅអធិការដ្ឋាននគរបាលក្រុងប៉ៃលិន ដេីម្បីសាកសួរ និងអនុវត្តនីតិវិធីបន្ត ៕
ដោយ៖ស សារ៉េត
