Real Madrid គ្រងជេីងឯក Champions League លេីកទី១៤ក្រោយឈ្នះ Liverpool ១ទល់០

ចែករំលែក៖

ក្រុមអធិរាជស RealvMadrid បានយកឈ្នះក្រុមខ្លាំងហង្សក្រហម Liverpool ទាំងលំបាកក្នុងលទ្ធផល ១-០ នៅក្នុងកីឡដ្ឋានទីក្រុងប៉ារីស ប្រទេសបារាំង កាលពីរំលងអធ្រាត្រឈានចូលថ្ងៃទី២៩ ឧសភានេះ។

ការឈ្នះពានរង្វាន់ UCL នេះគឺជាការឈ្នះលេីកទី១៤របស់ក្លិប ដែលមិនទាន់មានក្លិបណាមួយអាចតាមស្មេីកំណត់ត្រាឈ្នះនេះនៅឡេីយទេ។

ការប្រកួតវគ្គផ្តាច់ព្រ័ត្រក្នុងតង់ទី១ ក្រុុមហង្សក្រហមបានគ្រប់គ្រងបាល់ច្រេីនជាង និងមានឱកាសស៊ុតចំគោលដៅញឹកញាប់ ប៉ុន្តែត្រូវអ្នកចាំក្រុម Real Madrid ជួយសង្គ្រោះបាន។

ក្រុមហង្សក្រហម Liverpool នៅតែមានឱកាសនៅមុខទីក្រុម Real Madrid ប៉ុន្តែនៅតែមិនអាចបំប៉ោងសំណាញ់ទីបានក្នុងតង់ទី២ ហេីយនៅនាទីទី៥៩ កីឡាករខ្សែប្រយុទ្ធ Vinícius Júnior រកបានមួយគ្រាប់ ដែលជាគ្រាប់ជ័យជម្នះ ដែលជាការបញ្ជូនបាល់ពីខ្សែបម្រេី Valverde។

ជ័យជម្នះនេះបានធ្វេីឲ្យក្រុម Real Madrid ក្លាយជាក្រុមឈានមុខគេលេីកពានរង្វាន់ UEFA Champions League ច្រេីនជាងគេបំផុតនៅអឺរ៉ុបដោយគ្រងជេីងឯក១៤សម័យកាល។

ការឈ្នះរបស់ក្រុមអធិរាជស Real Madrid នេះគឺបន្ទាប់ពីខកខានរយៈពេល៣ឆ្នាំកាលពីឆ្នាំ២០១៨។ ចំណែកក្រុមហង្សក្រហម Liverpool បានបរាជ័យលេីកទី២ក្នុងវគ្គផ្តាច់ព្រ័ត្រពេលជួបក្រុម Real Madrid ៕