សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវបានជនរងគ្រោះឃាត់ខ្លួនប្រគល់ជូនសមត្ថកិច្ចពាក់ព័ន្ធករណីចូលលួចទ្រព្យសម្បត្តិក្នុងរថយន្តកាលពីវេលាម៉ោង៤និង៣០នាទីទៀបភ្លឺថ្ងៃទី៣ ខែមិថុនា ឆ្នាំ២០២២ នៅចំណុចមុខផ្ទះជនរងគ្រោះក្នុងភូមិត្រពាំងល្វា១ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះ អូន ទូច ភេទប្រុសអាយុ៣០ឆ្នាំ មុខរបរនិងស្នាក់នៅមិនពិតប្រាកដ ។
ចំណែកជនរងគ្រោះឈ្មោះ ចឹក ជឿង ភេទប្រុស អាយុ៥០ឆ្នាំ មុខរបរមន្ត្រីកងរាជអាវុធហត្ថ ស្នាក់នៅភូមិត្រពាំងល្វា១ សង្កាត់កាកាបទី១ ខណ្ឌពោធិ៍សែនជ័យ ។
តាមរបាយការណ៍សមត្ថកិច្ចបានឱ្យដឹងថា មុនពេលកេីតហេតុនៅយប់ថ្ងៃទី២ ខែមិថុនា ឆ្នាំ២០២២ ជនរងគ្រោះបានយករថយន្តម៉ាកFord Ranger ពណ៌ខ្មៅ ពាក់ស្លាកលេខភ្នំពេញ2BP-4383 ទុកនៅមុខផ្ទះរបស់ខ្លួន រួចហេីយចូលទៅសម្រាកក្នុងផ្ទះបាត់ទៅ។ លុះមកដល់វេលាកេីតហេតុជនរងគ្រោះក៏ចេញពីផ្ទះមកយករថយន្ត តែភ្លាមនោះក៏ឃេីញជនសង្ស័យនៅក្នុងរថយន្តកំពុងធ្វេីសកម្មភាពទេីបឃាត់ខ្លួនប្រគល់ជូនសមត្ថកិច្ចតែម្តង។
បច្ចុប្បន្នជនសង្ស័យត្រូវបានសមត្ថកិច្ចរដ្ឋបាលកាកាបទី១ឃាត់ខ្លួននិងកសាងសំណុំរឿងបញ្ជូនទៅផ្នែកព្រហ្មទណ្ឌនៃអធិការដ្ឋានខណ្ឌដេីម្បីចាត់ការតាមនីតិវិធី៕
ដោយ៖សុខាសែនជ័យ
