សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ បេីតាមការបញ្ជាក់ពីលោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹក បានឱ្យដឹងថា លោកបានដឹកនាំកម្លាំងផ្នែកជំនាញ រួមជាមួយកម្លាំងប៉ុស្តិ៍នគរបាលរដ្ឋបាល ចុះទៅឃាត់ខ្លួនជនសង្ស័យម្នាក់ឈ្មោះឡុង វុទ្ធី ហៅ វុធ អាយុ៥៧ឆ្នាំ មានទីលំនៅភូមិអូរធំ ឃុំភ្នំព្រឹក ស្រុកភ្នំព្រឹក ខេត្តបាត់ដំបង(មុខរបរកម្មករ)មកកាន់អធិការដ្ឋាននគបាលស្រុកដេីម្បីសាកសួរ និងដកហូតកាំបិតផ្គាក់ចំនួន០១ដេីម ក្រោយផឹកស្រាស្រវឹងក៏ទាស់សម្ដីគ្នាជាមួយអ្នកជិតខាង បានយកកាំបិតផ្គាក់កាប់បុរសម្នាក់បណ្តាលឱ្យរងរបួស កាលពីរសៀលថ្ងៃទី០៣ ខែមិថុនា ឆ្នាំ២០២២ ម្សិលមិញនេះ។
សូមជម្រាបជូនថា មូលហេតុដែលឈានដល់ការឃាត់ខ្លួននេះគឺនៅថ្ងៃកេីតហេតុខាងលេីនាវេលាម៉ោងប្រមាណប្រមាណ១២និង០០នាទីនៅចំណុចអូរដំបង ស្ថិតក្នុងក្រុមទី ៩ ភូមិអូរធំ ឃុំភ្នំព្រឹក ស្រុកភ្នំព្រឹកខេត្តបាត់ដំបង មានករណីហិង្សាដោយចេតនា មានស្ថានទម្ងន់ទោស( ប្រើកាំបិតផ្គាក់កាប់លេីជនរងគ្រោះ )កើតឡើង ដែលករណីនេះបង្កដោយជនសង្ស័យ ខាងលេីបានយកកាំបិតផ្គាក់ ដងឬស្សី កាប់ទៅលើជនរងគ្រោះឈ្មោះ ចាន់ ចែម ហៅ រឿនភេទប្រុស អាយុ៥៣ឆ្នាំ មានទីលំនៅភូមិអូរធំ ឃុំភ្នំព្រឹក ស្រុកភ្នំព្រឹក ខេត្តបាត់ដំបងបណ្តាលឱ្យរងរបួសហេីយត្រូវបានបញ្ជូនទៅសង្រ្គោះនៅមន្ទីរពេទ្យ ។ ភ្លាមៗនោះសមត្ថកិច្ចបានធ្វេីការឃាត់ខ្លួនជនសង័្សយខាងលេីយកមកធ្វេីការសាកសួរ។
នៅចំពោះមុខសមត្ថកិច្ចជនសង័្សយបានឆ្លេីយសារភាពថា មូលហេតុដែលខ្លួនប្រេីកាំបិតកាប់ទៅលេីជនងគ្រោះបែបនេះគឺដោយសារខ្លួនមានទំនាស់ពាក្យសំដី ជាមួយជនងគ្រោះក៏ផ្តេីមទៅជាកំហឹងនិងស្ថិតដោយក្នុងស្ថានភាពស្រវឹងផងទេីបប្រព្រឹត្តិបែបនេះ។
បច្ចុប្បន្ននៅព្រឹកថ្ងៃសៅរ៍ទី០៤ ខែមិថុនា ឆ្នាំ២០២២នេះ កម្លាំងនគរបាលស្រុកភ្នំព្រឹក បានកសាងសំណុំរឿងបញ្ជូនជនសង្ស័យនិងវត្ថុតាងមកការិយាល័យជំនាញដេីម្បីអនុវត្តបន្តតាមនីតិវិធីច្បាប់ ៕
ដោយ៖សហការី
