សារព័ត៌មាន នគរវត្ត តែងតែនាំមុខគេជានិច្ច
កីឡាករ Dani Alves បានបញ្ជាក់ថា គាត់នឹងចាកចេញពីក្លិប Barcelona ជាលើកទីពីរបន្ទាប់ពីត្រឡប់មកក្លិបវិញកាលពីឆ្នាំមុន។ ខ្សែការពារស្តាំវ័យ៣៩ឆ្នាំរូបនេះបានចូលរួមជាមួយក្លិប Barcelona វិញក្នុងខែវិច្ឆិកា ៥ឆ្នាំបន្ទាប់ពីគាត់បានចាកចេញពី Nou Camp ទៅ Juventus ។
សរុបមក Alves បានបង្ហាញខ្លួន៤០៧ប្រកួតឱ្យ Barcelona ដោយឈ្នះជើងឯក La Liga ចំនួន៦ដង។Alves បាននិយាយថា “ខ្ញុំសូមអរគុណដល់បុគ្គលិកទាំងអស់សម្រាប់ឱកាសដែលពួកគេបានផ្តល់ឱ្យខ្ញុំត្រឡប់ទៅក្លិបនេះវិញ ហើយអាចពាក់អាវដ៏អស្ចារ្យនោះម្តងទៀត។ អ្នកមិនដឹងថាខ្ញុំសប្បាយចិត្តប៉ុណ្ណាទេ”។
គាត់បានបន្ថែមនៅក្នុងការបង្ហោះនៅលើ Instagram ថា “វាបិទវគ្គដ៏ស្រស់ស្អាតខ្លាំងណាស់ ហើយបើកដំណើរការដ៏លំបាកមួយទៀត។ក្នុងអំឡុងពេល៨ឆ្នាំដំបូងរបស់គាត់ជាមួយក្លិប Barcelona កីឡាករ Alves ក៏បានជួយក្លិបឈ្នះពានរង្វាន់ Champions League ៣ដង និងពានរង្វាន់ Copa del Rey ចំនួន៤ដងក្នុងចំណោមពានរង្វាន់ចំនួន២៣។
កីឡាករប្រេស៊ីលរូបនេះបានជួយក្លិបឈ្នះ Serie A ជាមួយ Juventus ក្នុងឆ្នាំ២០១៦-២០១៧ និង Ligue 1 ជាមួយ Paris St-Germain ទាំងពីរឆ្នាំ២០១៧-២០១៨ និង២០១៨-២០១៩ជាមួយនឹងការផ្លាស់ទៅ Sao Paulo មុនពេលគាត់ត្រឡប់ទៅ Nou Camp ។
គាត់បានបង្ហាញខ្លួនក្នុងការប្រកួតចាប់ផ្តើមទាំងការឈ្នះរបស់ប្រេស៊ីលលើជប៉ុន និងកូរ៉េខាងត្បូងក្នុងខែនេះ ហើយនឹងសង្ឃឹមថានឹងក្លាយជាផ្នែកមួយនៃក្រុមជម្រើសជាតិរបស់គាត់ក្នុងការប្រកួត World Cup នៅចុងឆ្នាំនេះ ៕
ដោយ៖ ភារៈ(រូបភាព ៖ BBC Sport)
