សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ លោក សាន់ យូ អភិបាលរងខេត្តកំពង់ឆ្នាំង និងលោក ចេង ចាន់ដូណា អភិបាលស្រុកបរិបូណ៌ នាថ្ងៃទី២៤ ខែមិថុនា ឆ្នាំ២០២២ បានដឹកនាំកម្លាំងចំរុះ ចុះបង្ក្រាបបទល្មើសនេសាទ(របាំងសាច់អួន) ដែលជនល្មើសបានដាក់ក្នុងរដូវបិទនេសាទ នៅក្នុងភូមិកំពង់អួរ និងភូមិសេះស្លាប់ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង។
លោកអភិបាលរងខេត្តក៏បានដាក់បញ្ជាដាច់ខាត មិនឱ្យកើតមានបទល្មើសបែបនេះទៀតឡើយ ប្រសិនបើកើតមានទៀត អ្នកគ្រប់គ្រងនៅទីនោះ ជាអ្នកទទួលខុសត្រូវ។
សូមជម្រាបថា កម្លាំងសមត្ថកិច្ច នៃស្នងការដ្ឋាននគរបាលខេត្តកំពង់ឆ្នាំង កាលពីថ្ងៃទី២៣ ខែមិថុនាម្សិលមិញនេះ បានចុះបង្ក្រាបបទល្មើសរបាំងសាច់អួនដែលមានប្រវែងចាប់ពី ៣៥០ដល់៤០០ម៉ែត្រ ចំនួន ១០របាំង ចាប់ពីភូមិកំពង់អួរដល់ភូមិសេះស្លាប់ ឃុំឆ្នុកទ្រូ ស្រុកបរិបូណ៌ តាមបទបញ្ជារបស់លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង៕
ដោយ៖សហការី
