សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៌មានពីក្រសួងទេសចរណ៍ បានឱ្យដឹងនៅល្ងាចថ្ងៃសុក្រទី០១ ខែកក្កដា ឆ្នាំ២០២២នេះថា៖ ក្រសួងទេសចរណ៍ជូនដំណឹងដល់សមាគមឧស្សាហកម្មទេសចរណ៍ និងម្ចាស់អាជីវកម្មទេសចរណ៍ស្តីពីការចាប់ផ្តើមនីតិវិធីផ្តល់កម្ចីក្នុងគម្រោងសហហិរញ្ញប្បទានស្តារ និងជំរុញកំណើនក្នុងវិស័យទេសចរណ៍។
ជាក់ស្ដែងយោងតាមសេចក្តីជូនដំណឹងលេខ២៦៣ សជណ.អគឧ ចុះថ្ងៃទី០១ ខែកក្កដា ឆ្នាំ២០២២ ក្រសួងទេសចរណ៍ជូនដំណឹងដល់សមាគមឧស្សាហកម្មទេសចរណ៍ និងម្ចាស់អាជីវកម្មទេសចរណ៍ឱ្យរស់រាន់នៅប្រឹក្សាយោបល់ជាមួយគ្រឹះស្ថានហិរញ្ញវត្ថុចូលរួម (PFIs) ទាំង១៩ស្ថាប័ន ស្នើសុំកម្ចីក្នុងគម្រោងសហហិរញ្ញប្បទានស្តារ និងជំរុញកំណើនក្នុងវិស័យទេសចរណ៍ក្នុងទំហំទឹកប្រាក់សហហិរញ្ញប្បទាន១៥០លានដុល្លារអាមេរិក ដើម្បីប្រើប្រាស់ក្នុងការស្តារប្រតិបត្តិការអាជីវកម្មទេសចរណ៍ទ្បើងវិញ និងកែលម្អ ,ធ្វើទំនើបកម្ម ,ពង្រីកខ្លួនបន្ថែម និងធ្វើពិពិធកម្មសេវាកម្មទេសចរណ៍ត្រៀមខ្លួនទទួលទេសចរជាតិនិងអន្តរជាតិ៕
សូមអានព័ត៌មានលម្អិតនៅក្នុងសេចក្តីជូនដំណឹងខាងក្រោម៖
ដោយ៖ សហការី
