ស្រីលង្កា៖ គណបក្សប្រឆាំងជ្រើសរើសលោក Sajith Premadasa ធ្វើជាប្រធានាធិបតី

ចែករំលែក៖

គណបក្សប្រឆាំងស្រីលង្កា បានសម្រេចជ្រើសរើសមេដឹកនាំគណបក្សគឺលោក Sajith Premadasa ធ្វើជាប្រធានាធិបតីក្នុងពេលសភាកំណត់យកថ្ងៃទី ២០ខែកក្កដាសម្រាប់ការបោះឆ្នោត។
សារព័ត៌មានរ៉យទ័រនៅថ្ងៃទី១២ខែកក្កដា បានផ្សាយថា មន្ត្រីមួយរូបដែលមិនបញ្ចេញឈ្មោះបានឱ្យដឹងថា គណបក្សប្រឆាំងស្រីលង្កា បានសម្រេចជ្រើសរើសប្រធានគណបក្សគឺលោក Sajith Premadasa ធ្វើជាប្រធានាធិបតី ក្រោយទទួលបានការគាំទ្រពីបណ្តាសមាជិកក្នុងបក្ស។
តាមគម្រោងប្រធានាធិបតីស្រីលង្កា លោក Gotabaya Rajapaksa នឹងលាលែងចេញពីតំណែងនៅថ្ងៃទី១៣ខែកក្កដា ហើយលោក Sajith Premadasa នឹងឡើងកាន់តំណែងជំនួសវិញ។
សារព័ត៌មាន Mirror បានផ្សាយថា ប្រធានាធិបតីRajapaksa បានឡើងនាវារបស់កម្លាំងទាហានជើងទឹកស្រីលង្កាចេញពីប្រទេសនៅថ្ងៃទី៩ខែកក្កដា។ ក្រោយមកលោកក៏បានវិលត្រឡប់ចូលប្រទេសវិញនៅថ្ងៃទី១១ខែកក្កដា ដើម្បីជួបពិភាក្សាជាមួយប្រមុខដឹកនាំយោធារបស់ប្រទេសនេះ៕ ដោយ៖ ធីរីណា