សារព័ត៌មាន នគរវត្ត តែងតែនាំមុខគេជានិច្ច
ក្លិបរបស់កីឡាករផ្ទាល់បានឲ្យដឹងថា កីឡាករម្នាក់លេងនៅក្របខ័ណ្ឌPremier League ដែលត្រូវបានចាប់ខ្លួនពីបទសង្ស័យពីបទរំលោភសេពសន្ថវៈ តែមិនត្រូវបានព្យួរទេ ហើយអាចបំពេញការប្តេជ្ញាចិត្តប្រកបដោយវិជ្ជាជីវៈរបស់គាត់ រួមទាំងការធ្វើដំណើរដែលត្រូវបានអនុញ្ញាត។
កីឡាកររូបនោះមានអាយុ២០ឆ្នាំមិនត្រូវបានគេបញ្ចេញឈ្មោះត្រូវបានចាប់ខ្លួននៅទីក្រុងឡុងកាលពីថ្ងៃទី៤ ខែកក្កដា ជុំវិញការចោទប្រកាន់កាលពីខែមិថុនា។ បន្ទាប់មកគាត់ត្រូវបានចាប់ខ្លួនបន្ថែមទៀតពីបទសង្ស័យនៃឧប្បត្តិហេតុរំលោភសេពសន្ថវៈចំនួនពីរក្នុងឆ្នាំ២០២១ប្រឆាំងនឹងនារីម្នាក់ទៀត ហើយត្រូវបាននៅក្រៅឃុំរហូតដល់ខែសីហា ប៉ុន្តែកីឡាកររូបនោះបានបដិសេធការចោទប្រកាន់នេះ។
ក្លិបដែលមិនបញ្ចេញឈ្មោះបានប្រកាសនៅក្នុងសេចក្តីថ្លែងការណ៍មួយថា “យើងដឹងពីការចោទប្រកាន់ដែលបច្ចុប្បន្នជាកម្មវត្ថុនៃការស៊ើបអង្កេតរបស់ប៉ូលិស។ យើងបានបញ្ជាក់ថា កីឡាករបានបដិសេធការចោទប្រកាន់នេះ ហើយកំពុងស្ថិតនៅក្រៅឃុំរបស់ប៉ូលិសដោយរង់ចាំលទ្ធផលនៃការសាកសួររបស់ពួកគេ”។
សេចក្តីប្រកាសបានបន្តថា “មិនមានការចោទប្រកាន់ណាមួយឡើយ ហើយកីឡាករអាចបំពេញការប្តេជ្ញាចិត្តអាជីពរបស់គាត់រួមទាំងការធ្វើដំណើរដែលត្រូវបានអនុញ្ញាត។ យើងយកការប្តេជ្ញាចិត្ត និងការទទួលខុសត្រូវរបស់យើងជាខ្លាំង ហើយបានអនុវត្តតាមគោលការណ៍ និងនីតិវិធីនៃការការពាររបស់យើង។ យើងនឹងរក្សាបញ្ហានេះឱ្យស្ថិតក្រោមការពិចារណាយ៉ាងដិតដល់ ហើយនឹងពិនិត្យបន្ថែមទៀតប្រសិនបើកាលៈទេសៈផ្លាស់ប្តូរ” ៕
ដោយ៖ ភារៈ(រូបភាព ៖ BBC Sport)
