សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា (ស៉ីម៉ាក់) បានថ្លែងសារនៅលេីបណ្ដាញសង្គមហ្វេសប៊ុកផ្ទាល់ខ្លួននៅព្រលប់ថ្ងៃអង្គារទី១៩ ខែកក្កដា ឆ្នាំ២០២២នេះថា៖ ដំណេីរឆ្ពោះទៅបញ្ចប់បញ្ហាគ្រាប់មីននៅខេត្តព្រះសីហនុនៅចុងខែកក្កដា ឆ្នាំ២០២២នេះ!
លោក ហេង រតនា បានថ្លែងបន្តថា លោក គួច ចំរេីន អភិបាលនៃគណ:អភិបាលខេត្តព្រះសីហនុ លេីកមតិជាមួយលោកថា មានបំណងទៅសួរសុខទុក្ខបងប្អូន! ។
នេះជាផ្លូវទៅចម្ការមីនចុងក្រោយនៅទឹកដីខេត្តព្រះសីហនុនៅលេីភ្នំថ្មតុ ដែលត្រូវធ្វេីដំណេីរលេីដងភ្នំគីរីរម្យទៅកាន់ភ្នំថ្មតុ! ។ រង់ចាំជួបគ្នានៅពេលផ្ទេរប្រគល់និងប្រកាសខេត្តព្រះសីហនុ ជាខេត្តគ្មានគ្រាប់មីននៅក្នុងខែសីហាខាងមុខនេះតែម្តង! ។
សូមបញ្ជាក់ថា កម្លាំងជំនាញសុីម៉ាក់ នឹងចូលមកវាយសំរុកបោសសំអាតនៅខេត្តកំពតបន្តទៀត ប្រសិនជាគ្មានការប្រែប្រួលទេ អង្គភាពសុីម៉ាក់មានគំរោងបញ្ចប់ខេត្តតាកែវ កំពង់ឆ្នាំង និងខេត្តកំពង់ចាម នៅចុងឆ្នាំ២០២២ ព្រមទាំងបន្តបោសសំអាតខេត្តកំពត ស្វាយរៀង និងខេត្តកពង់ស្ពឺ ឱ្យក្លាយជាខេត្តគ្មានគ្រាប់មីននៅពាក់កណ្តាលឆ្នាំ២០២៣៕
ដោយ៖ស តារា
