សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ សូមធ្វេីការបដិសេធចំពោះឈ្មោះ ឈុន មិញស៊ីញ ភេទប្រុស អាយុ១៨ឆ្នាំ ជនជាតិខ្មែរ មុខរបរ ជាងពិដាន ស្នាក់នៅ ផ្ទះលេខ ១១២៨ ផ្លូវ១១០ ភូមិកោះក្របី១ សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ លេខទូរស័ព្ទ ០១០ ៨៣ ៨២ ៧៧ ដែលបានធ្វេីការផុសព័ត៌មានមិនពិតចោទប្រកាន់មកលេីមន្ត្រីអនុវត្តច្បាប់ ខុសពីការពិត ។ នេះបេីយោងតាមប្រភពព័ត៌មានពីស្នងការដ្ឋាននគរបាលរាជធានី បានឱ្យដឹងនៅយប់ថ្ងៃសុក្រទី២២ ខែកក្កដា ឆ្នាំ២០២២។
ប្រភពដដែលបន្តថា ដំណេីររឿងជាក់ស្តែងកាលពីយប់ថ្ងៃទី២១ ឈានចូលថ្ងៃទី២២ ខែកក្កដា វេលាម៉ោង១រំលងអធ្រាត្រ បុគ្គលរូបនេះបានបើកម៉ូតូកង់៣ ពីស្ពានតាខ្មៅឆ្ពោះទៅមុខពេទ្យលោកសង្ឃ សង្កាត់ទឹកថ្លា ពេលទៅដល់ចំពេលដែលសមត្ថកិច្ចកំពុងប្រតិបត្ដិការបង្ក្រាបគ្រឿងញៀន ដោយមានវត្ដមានបុគ្គលនេះនៅក្នុងរង្វង់ប្រតិបត្ដិការរបស់សមត្ថកិច្ចដែរ ពេលនោះសមត្ថកិច្ចក៏បាននាំគាត់មកការិយាល័យប្រឆាំងគ្រឿងញៀន ដេីម្បីសហការធ្វើការត្រួតពិនិត្យទឹកនោម ស្វែងរកសារធាតុញៀន ដោយនៅក្នុងទឹកនោមគ្មានសារធាតុញៀនសមត្ថកិច្ចក៏អនុញ្ញាតឲ្យបុរសម្នាក់នេះត្រឡប់ មកផ្ទះវិញ។
លុះពេលត្រឡប់មកវិញធ្វើដំណើរតាមផ្លូវ ដោយសារមានចិត្ដខឹងចំពោះសមត្ថកិច្ចក៏បាន សរសេរផុសដោយបានរៀបរាប់នូវពាក្យមិនពិត ជេរប្រមាថមើលងាយមកលើសមត្ថកិច្ច ធ្វើឲ្យមានការយល់ច្រឡំ និងធ្វេីឱ្យប៉ះពាល់យ៉ាងធ្ងន់ធ្ងរដល់កិត្ដិយសរបស់សមត្ថកិច្ចជាអ្នកអនុវត្តច្បាប់ នៅក្នុងគណនីហ្វេសប៊ុកដែលមានឈ្មោះថា “ឈុន មិញស៊ីញ”។
បន្ទាប់ពីសារភាពកំហុស ធ្វេីកិច្ចសន្យាចំពោះសមត្ថកិច្ចរួចរាល់ បុគ្គលរូបនេះត្រូវបានសមត្ថកិច្ចធ្វេីការណែនាំអប់រំ និងអនុញ្ញាតឱ្យត្រឡប់ទៅគេហដ្ឋានវិញ ៕
ដោយ៖សហការី
