សារព័ត៌មាន នគរវត្ត តែងតែនាំមុខគេជានិច្ច
កីឡាករវ័យក្មេងសញ្ជាតិអេស្ប៉ាញ Carlos Alcaraz នឹងក្លាយជាកីឡាករក្មេងបំផុតក្នុងចំណាត់ថ្នាក់កំពូលទាំង៥នៅ ATP ចាប់តាំងពី Rafael Nadal ចូលរួមក្នុងឆ្នាំ២០០៥បន្ទាប់ពីបានឈានដល់វគ្គផ្តាច់ព្រ័ត្រការប្រកួតវាយតឺន្នីស Hamburg Open ។
Alcaraz មានវ័យ១៩ឆ្នាំបានយកឈ្នះកីឡាករ Slovak Alex Molcanក្នុងលទ្ធផល 7-6 (7-2) 6-1 ហើយនឹងត្រូវជួប Lorenzo Musettiសម្រាប់ពានរង្វាន់នៅថ្ងៃចន្ទ។ ម្ចាស់ជើងឯក Miami Open និង Madrid Open រូបនេះបានឈ្នះការប្រកួតវគ្គផ្តាច់ព្រ័ត្រ៥ដងមុនរបស់គាត់។
Alcaraz បាននិយាយបន្ទាប់ពីការឈ្នះការប្រកួតចុងក្រោយរបស់គាត់ថា “ខ្ញុំមានទំនុកចិត្តច្រើនសម្រាប់វគ្គផ្តាច់ព្រ័ត្រ ហើយសង្ឃឹមថានឹងធ្វើឱ្យវាក្លាយជាការប្រកួតលើកទី៦របស់ខ្ញុំ”។ ចំណែកកីឡាករ Lorenzo លេងបានល្អណាស់ ហើយនឹងក្លាយជាការប្រកួតវគ្គផ្តាច់ព្រ័ត្រដ៏អស្ចារ្យ។
Alcaraz ជាអ្នកកោតសរសើរយ៉ាងខ្លាំងចំពោះ Nadal បានផ្តួលគាត់ក្នុងទីក្រុង Madrid និងបានហ្វឹកហាត់ជាមួយម្ចាស់ជើងឯក Grand Slam ២២សម័យផងដែរ។ គាត់នឹងវ៉ាដាច់ Norwegian Casper Ruud នៅពេលដែលចំណាត់ថ្នាក់ដែលបានធ្វើបច្ចុប្បន្នភាពត្រូវបានចេញផ្សាយនៅថ្ងៃចន្ទ។
Lorenzo Musetti មានវ័យ២០ឆ្នាំបានឈានដល់វគ្គផ្តាច់ព្រ័ត្រលើកដំបូងរបស់គាត់ជាមួយនឹងជ័យជម្នះ 6-3 7-6 (7-3) លើកីឡាករ Francisco Cerundolo។
កីឡាករលេខ៦២ពិភពលោករូបនេះបាននិយាយថា គាត់មានការភ្ញាក់ផ្អើលចំពោះទម្រង់ដែលបានធ្វើឱ្យគាត់ជួបជាមួយក្រុមកំពូលនៅទីក្រុង Hamburg បន្ទាប់ពីការចាកចេញជុំទីមួយរបស់គាត់នៅឯ Swedish Open។ “ខ្ញុំមិនបានលេងកីឡាវាយតឺន្នីសល្អបំផុតរបស់ខ្ញុំកាលពីសប្តាហ៍មុន។ ខ្ញុំមិនបានរំពឹងថានឹងបានចូលដល់វគ្គផ្តាច់ព្រ័ត្រនៅទីនេះទេ”។
ចំណែកកីឡាការិនីលំដាប់លេខ៨១ពិភពលោក Bernarda Pera បានឈ្នះពានរង្វាន់ជាលើកទី២របស់នាងក្នុងរយៈពេល៧ថ្ងៃដោយបានផ្តួលកីឡាការិនីកំពូល Anett Kontaveit ក្នុងលទ្ធផល 6-2 6-4 ដើម្បីដណ្តើមបានជើងឯកឯកត្តជននារីនៅទីក្រុង Hamburg ។
បន្ទាប់ពីបានភ្លក់រសជាតិឈ្នះ WTA Tour ជាលើកដំបូងក្នុងទីក្រុង Budapest កាលពីសប្តាហ៍មុន Pera ទទួលបានជ័យជម្នះជាលើកទី១២ជាប់ៗគ្នាដើម្បីធ្វើឲ្យកីឡាការិនីលំដាប់លេខ២ពិភពលោកអេស្តូនីមានការភ្ញាក់ផ្អើល។
កីឡាការិនីអាមេរិក Pera បានឈ្នះសិតទី២៤ជាប់ៗគ្នារបស់នាង ដើម្បីដណ្តើមយកជ័យជម្នះ ហើយត្រូវបានគេរំពឹងថានឹងចូលដល់កំពូល៦០ក្នុងចំណាត់ថ្នាក់ ដោយបានជាប់លេខ១៣០ពិភពលោកនៅពេលនាងមកដល់ទីក្រុង Budapest ៕
ដោយ៖ ភារៈ(រូបភាព ៖ BBC Sport)
