សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត៖ បេីយោងតាមប្រភពព័ត៌មានពីរបាយការណ៍របស់កងរាជអាវុធហត្ថខេត្តកំពត បានឱ្យដឹងនៅរសៀលថ្ងៃអង្គារទី០២ ខែសីហា ឆ្នាំ២០២២នេះថា៖ កម្លាំងកងរាជអាវុធហត្ថខេត្ត សហការជាមួយកម្លាំងមូលដ្ឋានកងរាជអាវុធហត្ថស្រុកឈូក កាលពីវេលាម៉ោង ៣និង១០នាទីរសៀលថ្ងៃទី០១ ខែសីហាម្សិលមិញនេះ បានចុះបង្រ្កាប និងឃាត់ខ្លួនមុខសញ្ញាជួញដូរ និងប្រើប្រាស់គ្រឿងញៀនម្នាក់ នៅចំណុចភូមិជ្រៃ ឃុំសត្វពង ស្រុកឈូក ខេត្តកំពត ។
របាយការណ៍ដដែលបន្តថា ក្នុងប្រតិបត្តិការនោះដឹកនាំដោយលោកវរសេនីយ៍ឯក សេង វិច្ឆិកា មេបញ្ជាការរងទទួលការងារជំនាញគ្រឿងញៀន ដោយមានការសម្របសម្រួលនីតិវិធីដោយ លោក ជីវ ចាន់តារា ព្រះរាជអាជ្ញាអមសាលាដំបូងខេត្តកំពត។
ជាក់ស្ដែងលទ្ធផលឃាត់ខ្លួនជនសង្ស័យចំនួន០១នាក់
១.ឈ្មោះ ស៊ុយ ស្រីល័ក្ខណ៍ ភេទស្រី អាយុ៣៤ឆ្នាំ មុខរបរបុគ្គលិកហាងយីហោម្លប់ដូង ម៉ាក់យ៉ាយ៉ា រស់នៅភូមិជ្រៃ ឃុំសត្វពង ស្រុកឈូក ខេត្តកំពត ។
ចំណែកវត្ថុតាងចាប់យករួមមាន៖ ១.គ្រឿងញៀនចំនួន០១កញ្ចប់តូចមានទម្ងន់១.០៤ក្រាមថ្លឹងទាំងសំបកថង់ ,២.ទូរស័ព្ទដៃចំនួនមួយគ្រឿងម៉ាក samsung ពណ៌ខ្មៅ ។
ក្នុងពេលឃាត់ខ្លួនជនសង្ស័យសមត្ថកិច្ចយើង បានឲ្យគ្រូពេទ្យធ្វើតេស្តរហ័សរកមេរោគកូវីដ-១៩(លទ្ធផលអវិជ្ជមាន)។
បច្ចុប្បន្នជនសង្ស័យនឹងវត្ថុតាងការិយាល័យជំនាញ កសាងសំណុំរឿងបញ្ជូនទៅតុលាការ៕
ដោយ៖អារុណរះ
