សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ បេីតាមការបញ្ជាក់ពីលោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន បានឱ្យដឹងនៅរសៀលថ្ងៃអាទិត្យទី០៧ ខែសីហា ឆ្នាំ២០២២នេះថា៖ នេះជាជ្រូកគូលែនដែលមានរសជាតិឆ្ងាញ់! ជ្រូកទាំងនេះកាត់ជ្រូកព្រៃនិងជ្រូកស្រុក និងមានសារធាតុជាជ្រូកព្រៃប្រមាណ ៦០ទៅ ៧០% ដែលពលរដ្ឋនៅតាមតំបន់ធម្មជាតិនានាបានចិញ្ចឹម។
មន្រ្តីជាន់ខ្ពស់ក្រសួងបរិស្ថានរូបនេះ បានថ្លែងបន្តថា ទោះវារស់នៅក្នុងព្រៃក៏ពិតមែន តែជាមួយការបន្ស៊ាំ ជ្រូកខ្លះស៊ាំងនឹងមនុស្ស។ ជ្រូកដែលខ្ញុំអង្អែលឱ្យវាដេកនេះមានសារធាតុជាជ្រូកព្រៃ ៧០% តែវាមិនខ្លាចមនុស្ស។
លោក នេត្រ ភក្ត្រា បានបញ្ជាក់បន្ថែមថា បច្ចុប្បន្ននេះ ក្រសួងបរិស្ថានបាននិងកំពុងជំរុញប្រជាសហគមន៍តំបន់ការពារធម្មជាតិលើការចិញ្ចឹមសត្វជាពិសេសប្រភេទពូជជ្រូកគូលែន ឬជ្រូកឦសាន ដែលជាប្រភេទកូនកាត់ជ្រូកស្រុកនិងជ្រូកព្រៃ មាឌតូច តែមានឱជារសនិងមានទីផ្សារដើម្បីបង្កើតសេដ្ឋកិច្ចនៅមូលដ្ឋាន បង្កើនចំណូលជូនពលរដ្ឋ បង្កើតការងារដើម្បីកាត់បន្ថយសម្ពាធលើធនធានធម្មជាតិ៕
ដោយ៖ស តារា
