សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៌មានពីរបាយការណ៍របស់ស្នងការដ្ឋាននគរបាលរាជធានីភ្នំពេញ បានឱ្យដឹងនៅរសៀលថ្ងៃអង្គារទី០៩ ខែសីហា ឆ្នាំ២០២២នេះថា៖ កម្លាំងប៉ុស្តិ៍នគរបាលរដ្ឋបាលក្រាំងធ្នង់ នៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យចំនួន០២នាក់ ពាក់ព័ន្ធករណីលួចម៉ូតូប្រព្រឹត្តនៅភូមិត្រពាំងជើងស្រុក សង្កាត់ក្រាំងធ្នង់ កាលពីរសៀលថ្ងៃទី០៥ ខែសីហា ឆ្នាំ២០២២ថ្មីៗនេះ។
របាយការណ៍ដដែលបន្តថា ករណីឃាត់ខ្លួនជនសង្ស័យខាងលេីនេះ បានកេីតឡេីងកាលពីថ្ងៃទី០៨ ខែសីហាម្សិលមិញនេះ បានឃាត់ខ្លួនជនសង្ស័យចំនួន០២នាក់ នៅចំណុចបន្ទប់ជួល សង្កាត់ឃ្មួញ ខណ្ឌសែនសុខ។
ជនសង្ស័យទាំង២នាក់នេះម្នាក់ឈ្មោះ ផល វុទ្ធី ភេទប្រុស និងម្នាក់ទៀតឈ្មោះ សំ បូរិន ភេទប្រុស ទីកន្លែងស្នាក់នៅមិនពិតប្រាកដ។ ចំណែកវត្ថុតាងដកហូត៖ ម៉ូតូម៉ាកសេ១២៥ របស់ជនរងគ្រោះ (ដែលជនសង្ស័យបានធ្វើសកម្មភាពលួចយក)។
បច្នុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីវិធីច្បាប់៕
ដោយ៖អារុណរះ
