សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងនៅព្រឹកថ្ងៃសុក្រទី២៦ ខែសីហា ឆ្នាំ២០២២នេះថា៖ សូមអរគុណចំពោះបងប្អូនដែលបានផ្តល់រូបថតមកឱ្យខ្ញុំរយៈmessenger Facebook ។
រូបថតដែលបញ្ជូនមកមានមួយចំនួនខ្ញុំមិនដែលបានឃើញពីមុនមិនដឹងថាថតនៅពេលណា នៅទីណានិងអ្នកណាជាអ្នកថត?។ លើកនេះមានរូបថត៤សន្លឹកដែលខ្ញុំគិតថាថតក្នុងពេលតែមួយដោយសំគាល់ទៅលើអាវ ក្រវ៉ាត់កនិងផ្លាកសញ្ញាសម្រាប់ចូលប្រជុំតែអ្វីដែលមិនច្បាស់គឺកន្លែង និងពេលវេលា។
សម្ដេចតេជោ បានថ្លែងបន្តថា ខ្ញុំសង្ស័យ៥កន្លែងឬ៥ប្រទេសគឺ៖
*១.ការប្រជុំក្រៅផ្លូវការហ្សាកាតា(JIM) ទាំងពីរលើក១៩៨៨.១៩៨៩និងការប្រជុំរៀបចំសមាសភាពSNC1991នៅ
ឥណ្ឌូណេសុី។
*២.សន្និសិទប៉ារីសចាប់ផ្តើមដំបូង១៩៨៩ នៅប្រទេសបារាំង។
*៣.ការប្រជុំបង្កើតSNCនៅតូក្យូប្រទេសជប៉ុន១៩៩០។
*៤.ការប្រជុំSNCនៅបាងកកឬប៉ាតាយ៉ាប្រទេសថៃ១៩៩១។
*៥.ការប្រជុំSNCនៅប៉េកាំងប្រទេសចិន១៩៩១។
បន្ថែមពីនេះ សម្ដេចតេជោ មានប្រសាសន៍ថា៖ ខ្ញុំសូមអំពាវនាវបងប្អូនដែលបានដឹងប្រភពរូបថតនេះជួយប្រាប់ព្រោះរូបថតទាំងនេះទាក់ទងដល់ប្រវត្តិស្វែងរកសន្តិភាព សម្រាប់កម្ពុជា៕
ដោយ៖ស តារា
