សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បេីយោងតាមប្រភពព័ត៌មានពីរបាយការណ៍របស់អគ្គស្នងការនគរបាលជាតិ បានឱ្យដឹងនៅព្រឹកថ្ងៃសុក្រទី២៦ ខែសីហា ឆ្នាំ២០២២នេះថា៖ លោកឧត្តមសេនីយ៍ត្រី ចេង ឡេង ស្នងការរងទទួលដឹកនាំការិយាល័យប្រឆាំងបទល្មើសសេដ្ឋកិច្ច សហការជាមួយលោកវរសេនីយ៍ឯក ឡុង យោធាវីរ: អធិការនគរបាលស្រុកឯកភ្នំ រួមសហការជាមួយកម្លាំងចម្រុះ សរុបចំនួន ២៦នាក់ ប្រើប្រាស់កាណូតស្មាច់ចំនួន ៥គ្រឿង នៅថ្ងៃទី២៥ ខែសីហាម្សិលមិញនេះ បានចុះធ្វើការបង្ក្រាបបទល្មើសនេសាទខុសច្បាប់ ០១លើក នៅក្នុងតំបន់រ៉ាមសារព្រែកទាល់។
ក្នុងកិច្ចប្រតិបត្តិការនេះ សមត្ថកិច្ចបានចុះបង្ក្រាបចំនួន ០៤ទីតាំង នៅតំបន់រ៉ាមសារព្រែកទាល់ ក្នុងភូមិសាស្ត្រស្រុកឯកភ្នំ៖ទីតាំងទី១ ត្រង់ចំណុចស្រោងកណ្តៀរវិច បង្ក្រាបសាច់មងចំនួន ៤០០ម៉ែត្រ បង្គោលចំនួន ១៥០ដើម និងក្បាលឡុកចាប់ត្រីចំនួន ០១គ្រឿង។ ទីតាំងទី២ ត្រង់ចំណុចចុងចែងពាក់កន្ទេល បង្ក្រាបសាច់មងចំនួន ៥០០ម៉ែត្រ បង្គោលចំនួន ១០០ដើម និងក្បាលឡុកចាប់ត្រីចំនួន ០១គ្រឿង។
-ទីតាំងទី៣ ត្រង់ចំណុចអាតាំងបៀវ បង្ក្រាបសាច់មងចំនួន ៤០០ម៉ែត្រ បង្គោលចំនួន ៩០ដើម និងក្បាលឡុកចាប់ត្រីចំនួន ០១គ្រឿង។ ទីតាំងទី៤ ត្រង់ចំណុចអាកាប់ បង្ក្រាបសាច់មងចំនួន ៥៥០ម៉ែត្រ បង្គោលចំនួន ១៧០ដើម និងក្បាលឡុកចាប់ត្រីចំនួន ០២គ្រឿង។
បច្ចុប្បន្ន រាល់វត្ថុតាងដែលសមត្ថកិច្ចបង្ក្រាប បានកំពុងរៀបចំបានកាប់បំផ្លាញ និងដុតចោលនៅនឹងកន្លែង ចំណែកជនល្មើសបានរត់គេចខ្លួនមុនពេលសមត្ថកិច្ចចុះអន្តរាគមន៍ និងបានប្រលែងកូនត្រីចំរុះចំនួន៧០គីឡូក្រាមចូលក្នុងបឹងធម្មជាតិវិញ៕
ដោយ៖សហការី
