សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ យោងតាមរបាយការណ៍របស់ស្នងការដ្ឋាននគរបាលខេត្តបាត់ដំបង នៅព្រឹកថ្ងៃសុក្រទី០៩ ខែកញ្ញា ឆ្នាំ២០២២នេះ បានឱ្យដឹងថា៖ មុខសញ្ញាចោរលួចទ្រព្យសម្បត្តិប្រជាពលរដ្ឋយ៉ាងសកម្មម្នាក់ នៅក្នុងក្រុងបាត់ដំបង បន្ទាប់ពីធ្វេីសកម្មភាពលួចម៉ូតូមួយគ្រឿង និងបានប្រេីហិង្សាទៅលេីជនរងគ្រោះ រួចគេចខ្លួនបាត់ស្រមោលបានមួយថ្ងៃ ក៏ត្រូវកម្លាំងសមត្ថកិច្ចជំនាញ ស្រាវជ្រាវរហូតឈានដល់ការឃាត់ខ្លួនតែម្តង។
របាយការណ៍ដដែលបន្តថា លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង កាលពីថ្ងៃទី០៨ ខែកញ្ញាម្សិលមិញនេះ បានដឹកនាំកម្លាំងផ្នែកជំនាញព្រហ្មទណ្ឌ័នៃអធិការដ្ឋាននគរបាលក្រុងឃាត់ខ្លួនជនសង្ស័យម្នាក់ឈ្មោះ ស៊ុំ សុភ័ក្រ ភេទប្រុស អាយុ ២៥ឆ្នាំ មានទីលំនៅភូមិរំចេក២ សង្កាត់រតនៈ ក្រុងបាត់ដំបង ខេត្តបាត់ដំបង មកកាន់អធិការដ្ឋាននគរបាលក្រុងដេីម្បីធ្វេីការសាកសួរស្រាវជ្រាវ។
សូមជម្រាបជូនថា មូលហេតុដែលឈានដល់ការឃាត់ខ្លួននេះគឺដោយយោងតាមពាក្យបណ្តឹងរបស់ជនរងគ្រោះឈ្មោះយឹម កុសល់ ភេទប្រុស អាយុ ៣៣ឆ្នាំ មានទីលំនៅភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបងថាកាលពីយប់ថ្ងៃទី០៧ ខែកញ្ញា ឆ្នាំ២០២២វេលាម៉ោង២១និង ៣០នាទីនៅចំ ណុចក្រុមទី០៤ ភូមិរំចេក២ សង្កាត់រតនៈ ក្រុងបាត់ដំបង ខេត្តបាត់ដំបង មានករណីអំពើលួចមានស្ថានទម្ងន់ទោស(ប្លន់)មួយបានកេីតឡេីងដែលករណី នេះជនសង័្សយបានប្រេីប្រាស់ប៉ែលវាយទៅលេីជនរងគ្រោះនិងយកទ្រព្យសម្បត្តិមានម៉ូតូម៉ាកវីវ៉ា សេរីឆ្នាំ២០០៨ ពណ៌ខ្មៅ មានលេខតួនិងលេខម៉ា ស៊ីន៣៣៧៣៩៧ ចំនួន០១គ្រឿងនិងប្រាក់រៀលចំនួន៤៥,០០០រៀល (បួនម៉ឺនប្រាំពាន់រៀល។
ទទួលបាននូវពាក្យបណ្តឹងពីជនរងគ្រោះដូច្នេះសមត្ថកិច្ចនគរបាលបានចុះធ្វើការស៊ើបអង្កេតស្រាវ ជ្រាវរហូតនាំខ្លួនមកកាន់អធិការដ្ឋាននគរបាលក្រុ ងបាត់ដំបងដើម្បីធ្វើការសាកសួរ ហេីយក្រោយពីសាកសួរជនសង័្សយបានសារភាពថារូបគេពិតជាបានប្រើប្រាស់ប៉ែលប្លន់យកម៉ូតូនិងប្រាក់ពីជនរងគ្រោះខាងលេីពិតប្រាកដមែន។
-*សម្ភារៈដកហូត៖
-ម៉ូតូម៉ាកវីវ៉ា ស៊េរីឆ្នាំ២០០៨ ពណ៌ខ្មៅ មានលេខតួនិងលេខម៉ាស៊ីន ៣៣៧ ៣៩៧ ចំនួន០១គ្រឿង
-ប៉ែលដងឫស្សីចំនួន០១មួយ។
-ពូថៅចំនួន០១។ ករណីខាងលើនេះសមត្ថកិច្ចបានកសាងសំណុំ រឿងបញ្ជូនមកការិយាល័យជំនាញអនុវត្តតាមនីតិវិធីច្បាប់៕
ដោយ៖សហការី
